ياللى فرحك كان منايا
ياللى فرحك كان منايا .. فى كل ليلة فى كل يوم
ياللى قربك كان هنايا .. اصبح وجودى عتاب أو لوم
كنت ضحكة فى سمايا .. أصبحت انا لعمرك غيوم
فرشت لك قلبى سرايا .. لكن افراحى .. لا تدوم
بنيت لك ف قلبى برج عاجى .. نوره من نور الرموش
كنت سلطان .. كنتى تاجى ولقيتنى ف كتابك رتوش
رموش عينكى جوه قلبى .. ومحفورة بأغلى النقوش
كل حرف من حروفك اعشقه وصبحت اسمى معرفوش
افرحى واتهنى .. تعيشى وتتمنى .. وانسينى سنين
وانسى انى حزين .. ودموع العين .. هايمين جارحين
يكفى انى اشوفك .. او المح طيفك .. وانا قلبى حزين
بالنبض ابكيكى واحوم حواليكى ولو ان عيونك ناسيين
رد مع اقتباس
المفضلات