ياللى اختيارك كان قدر
ياللى اختيارك كان حدوتة وقصة وحكاية من بين ملايين البشر
مش عارف اوصفلك أحزان الفراق ولا جرح قلبى اللى انكسر
ياللى حبك كان لى هدية من القدر ،و فراقك زيك باحكام القدر
ومن القدر انى اكتب لك انا بايدى
بأحزانى وتنهيدى فى يوم عيدى
بلا دمعة بلا آهة لعمرى ووحيدى
يكفينى تحيا أيامك فى حلم سعيد
وانا اكتب لك بتوقيعى ف يوم العيد
ان قلبى معايا بيسافر ،لحزنه بعيد
متحزنشى على بعادى
حيك معايا زادى وزوادى
باأحلى ضحكة ف الوادى
هاكتب بايدى قرارى ان نبض القلب هايسيبنى
عشان تفرح بأيامك .. وانا أحزانى جوايا تعذبنى
وداع يا فرح ايامى .. مش هاستحمل تعاتبنى
هابعت البك خوفى عليك مع طيفى وشوق الروح
مش راح احكى أحزانى ولا حاشكى م البكا والنوح
ولا هستناك ياحبيب عمرى لقلبى يوم بحبى تبوح
ولا هاستنى يوم عتاب إنك .. ولا منك ، ولا عنك
وهاعيش بالذكرى فى قلبى تونسنى وانا اظنك
هاعيش وانا فى ظنى .. انك كنت بتحبنى لكنك
فراقنا كان قدرى عشان تدوم لك البسمة
وهاحفر قبرى فى قلبى .. وأقول قسمة
رد مع اقتباس
المفضلات