<div><div align="center">ده موضوع لقيت شاب عامله على الفيس بوك ضحكنى جدا قولت انقله هنا نضحك شويه ونشوف دماغهم فيها ايه
<font size="4"><b>ازاى تعاكس واحدة بنت..؟

لو شايف واحدة فى الشارع جميله اوى وانت مش عارف تدخل عليها ازاى.....(استهبل)خش عليها بتقل وبابتسامة لطيفة واتكلم كأنك بتتكلم بجد وقولها مثلا ((لو سمحتي هي صيدلية ابوتريكة للاجهزة المنزلية فين؟؟))هترد بحاجة من اتنين.....يأما (معرفش )....يأما (احنا هنهزر ) .......لو قالتلك معرفش

قولها ....لية هو انتى مش من هنا ....ه...تقولك لأ قولها امال منين؟؟؟بهبل كدةهتقولك من كذا....قولها اهلا بيكى انا فلان الفلانى وفى كلية كذا اصل انا من هنا وكنت بستهبل علشان اتعرف عليكى .......وهزر بقى ودوس يا معلم...اما بقى لو قالتلك ((احنا هنهزر ))

قولها ((لا والله اصل انا قلبى تعبان اوى ومش عارف الصيدلية دى فين ))هتقولك ((طيب روح دور عليها بعيد يا حبيبى )) انت بقى هتقولها ((ما هما قالولى ان هى هنا فى الحتة دى فقلت اجى اسألك))

هتقولك حاجة من اتنين....يأما ((معرفش هى فين )) ودى قولنا هترد عليها ازاى.....يأما هتقولك ((يعنى حبكت هنا جمبى ))

انت هتقولها بقى ((ما هما قالولى هناك كدة هتلاقى واحدة زى القمر وعسولة وطيبة اوى هى اللى هتدلك يأما لو بصيت لعنيها شوية ممكن تخف هتقولك(( يا سلام هما مين دول بقى اللى قالولك كدا)) هتقولها ((قلبى وعنيا وعقلى كلهم بيشاورو عليكى )) هتبتسملك ابتسامة لطيفة كدة.....دوس بقى يا معلم