موضوعي محتاج لنقاش من الطرفين أولاد وبنات
موضوعي بيتكلم عن زواج الرجل اكثر من مرة ....... ولما تيجي تكلمي الواحد منهم يقولك الشرع محلل كدة ........ الرسول كان عامل كدة
معلش بقى ولا مؤاخدة ومحدش يزعل مني ماتقارنش نفسك بالرسول ......... انت فين و الرسول فين ..... ده رسول يا جماعة
وبعدين بقى لو جينا عشان نقارن تعالى نقارن ..........
في الطعام
النبي :
كان النبي –صلى الله عليه وسلم- لايردّ موجوداً ولا يتكلف مفقوداً؛ فما قرّب إليه شيء من الطيبات إلا أكله؛ إلا أن تعافه نفسه؛ فيتركه من غير تحريم، وما عاب طعاماً قط؛ إن اشتهاه أكله وإلا تركه، وكان معظم مطعمه يوضع على الأرض في السفرة، وكان يسمي الله تعالى أول طعامه، ويحمده في آخره.

الرجل في يومنا هذا ( طبعا مش الكل ):
يلاقي مراته عاملة بامية يروح قايلها بامية يا روح .......... ماعملتيش ملوخية ليه ؟
طبعا الست ياعيني عليها ......من اليوم اللي قبله تسأله تحب تاكل ايه بكرة يقولها براحتك ....... ولما تعمل اللي على راحتها ابو الشباب يقوم الدنيا ومايقعدهاش ويتهمها بعدم الاهتمام وتنفيذ طلباته
انا عاوزة افهم يعني ......... هي الواحدة مننا بتنجم ؟

في اللبس:
الرسول :
عن أم سلمة رضي الله عنها قالت: " كان أحب الثياب إلى رسول الله –صلى الله عليه وسلم- القميص" رواه أبو داود وصححه الألباني، وكان كم قميص رسول الله –صلى الله عليه وسلم- إلى الرسغ (مفصل الكف) وكان يلبس ما تيسر من لباس: من الصوف تارة والقطن تارة والكتان تارة.

الرجل في يومنا هذا ( ومش الكل طبعا ):
يروح ضارب الفانيلة الداخلية في اي بنطلون او شورت مرسوم عليه نور ومهند او ميكي او سلاخف النينجا وشكله يكون عار عار يعني ومش كدة وبس
يروح يقف في البلكونة ...... بيستعرض عضلاته حضرته....
يعني هي مراته مالهاش نفس تشوفه على سنجة عشرة ؟؟؟؟ ولا هي لازم طول اليوم عاملة زي عروسة المولد بالمكياج و اللبس عشان ترضي حضرته وهو عامل زي اللي بيشحت على الرصيف او اللي هربان من فيلم كرتون من قناة سبيس تون

في التعطر :
الرسول :
قد كان النبي –صلى الله عليه وسلم- يكثر التطيب ويحب الطيب، ولا يرده إذا قدم إليه، وكان أحب الطيب إليه المسك، وكان يعرف بريح الطيب إذا أقبل. رواه الدارمي وصححه الألباني.
عن أنس بن مالك –رضي الله عنه- قال: "ما شممت مسكة ولا عنبرة أطيب من رائحة رسول الله –صلى الله عليه وسلم-".

الرجل اليومين دول ( مش الكل طبعا ):
لو حط كلونيا 5 خمسات يفضل يذلها طول اليوم ويقولها ده انا متبرفن وانتي ولا هنا مفيش ريحتك حلوة يا جوزي يا حبيبي ؟؟؟؟؟؟
بالذمة اقوله ايه الراجل اللي بيعمل كدة ؟
امال بقى لو حطيت هوجو ولا دانهيل هتعمل ايه ؟ هتجيب دي جي وتعمل فرح

نوصل للمطلوب ..... ليه دايما الست هي اللي غلطانة والراجل سليم مية مية بالرغم من اللي قولته فوق ؟؟؟؟
انا قارنت فوق في حاجات بسيطة جدا...... ولاحظوا اني قلت انه مش كل الرجالة كدة
منتظرة ردودكم وتعليقاتكم ومناقشاتكم
واسفة على الاطالة لا