عشقت عينيها من الاف السنين
فى يوم.. زمان اوى .. من الاف السنين
قابلت سحر عيون .. مش زى اى عينين
نظرتها فيها شوقى .. وأحزانى .. فى نفس وقت الابتسام
بسمتها فيها أحلامى .. وأوهامى .. مع سر اسرار الأحلام
والحلم جوه حلمها مع انها كلمت قلبى كتير ..من غير كلام
وكلامها كله كان غزل .. وكان أمل .. ومقاومة مع استسلام
سحبتنى لبحر كبير مالوش نهاية .. ولا بداية
وقلت لى ابتدت الحكاية
وانها هاتكون لى الرواية
والاغنية وأشعار الهواية
وحكت لى عنها كلام كتير.. وأشعارها غنوة صغيرة
وسهرت ويا حالمها الفين سنة .. جوه عقلى منورة
وفى كل الفين عام تفوت .. احلامى لا يمكن تموت
وعايشها وهى عايشة .. جوه حلم قلبى مسيطرة
لما ابص جوه حدقات العيون
الكون يهون والانا طبعا تهون
وكل حرف ف الكتابة بيتمسح
وارجع وأراجع الحلم الحنون
والاف السنين فاتت .. على لقيايا وياها
ملمحتش منها الا شكل عيونها محلاها
معرفش شكل حبيبتى ايه ولا الاوصاف
لكن احلامى الف سنينى.. انى أحياها
رد مع اقتباس
المفضلات