لو كان مكتوب لى اودعك
لو كان مكتوب لى اودعك
وف آخر لحظاتى اسمعك
كنت ارفض تعيش لحظة وداع
ابكى لوحدى الحلم الى ضاع
وادعى لك يحميك م الاحزان
ولا تعرف يوم معنى الضياع
وابعت مكتوب من نبضاتى
مش هشرح لك مر حياتى
ولا هاعاتبك ع اللى كان
ولا هاوصفلك طعم اهاتى
و هاقول لك بس انى بحبك
وانى قضيت عمرى ف حبك
حافظت عليك طول الزمان
ولا طلبت فى يوم قربك
وحتى وانا ماشى ف اخر عمرى
وانا باسلم ع المجهول مع قدرى
ادعى يارب ان انت ماتعرف خبرى
ولا تسمع يوم احزانى ولا صبرى
لو كان مكتوب لى اودعك
وف آخر لحظاتى اسمعك
هارفض لقاك وادعى لك
ان ربى يسعدك ويمتعك
رد مع اقتباس
المفضلات