ماما مرة كانت خارجة وطلبت مني اجهز الفطار لاخواتي لما يصحوا
قمت انا زي الشاطرة بمزاج كده وعملت فطار معتبر و محصلش
وخلطت الاناناس مع اللبن و السكر عشان العصير
بدوق طعم العصير كده لاقيته مظبوط تمام
فقمت صبيته في الكوبايات وحطيت على طرف كل كوبايه قطعة اناناس للزينة
لحد دلوقتي تمام
فطرنا والحمد لله
وجينا نشرب العصير لاقينام مرررررر بطريقة فظيعة
طبعا مش هنرمي العصير دا ماما كانت تموتني على اللبن اللي بوظته ده
فقلت لاخواتي لو شربتوه بسرعة مش هتحسوا بطعمه
بس هما مش استحملوا طعمه وسبوه ليا
وانا طبعا كنت عامله كل كوباية زي البرميل ومستحيل اقدر على طعمه
عملت ايه بقى
اقولكم




قمت شايلاه زي ما جبته وحطيته على النار يغلي
(بحسب ان فيه جراثيم مسببه الطعم المر ده والحرارة هتقضي عاليها)
وبعد مانزل من على النار وبرد جيت ادوقه لاقيته زي ماهوا


شربت منه لحد ما حسيت اني هرجع وبعدين رميت الباقي

لما ماما رجعت ماكنتش هاقدر اقول لها علي اللبن اللي باظ
فاستنيت كام يوم كده
وقولت لها وهيا رايقة
الحمد لله نمت في البيت باعجوبه اليوم ده!!!!