عاجل- طرد ورشق محافظ الاسكندرية والوزراء خلال العزاء فى ضحايا كنيسة القديسين

[اسامة22]

أوفد الرئيس حسنى مبارك الوزير مفيد شهاب والوزير احمد المغربى وعبد السلام المحجوب لتعزية
الاخوة المسيحين فى واقعة الاسكندرية وكان يشارك الوزراء محافظ الاسكندرية وما ان وصل الوفد الى
دير مار مينا قام الغاضبون من الاخوة الاقباط برشق المحافظ والوزراء بالحجارة وتراجع المحافظ اما الوزراء
تم الهجوم عليهم و تعرض احمد المغربى للاغماء ولكن بعض الرهبان انقذوهم وادخلوهم الى غرفة بالدير وبعد قليل قاموا بأخراج الوزراء من باب خلفى بالدير وندد جميع طوائف المسلمين بواقعة كنيسة القديسين وانها لا تمت للاسلام فى شىء

[خلود]

رد فعل غاضب جدا

وطبعا علشان تهدى حد دلوقتى صعب جدا

ولكن ربنا يهدى الحال للجميع

[اسامة22]

انا رافض هذا التصرف الناس كانت هتعمل اية
مليون حاجة في البلد
ودي كانت لفتة طيبة منهم
المفروض مايحصل كدا من الاخوان الاقباط
دا يدل ان في احتقان والنفوس مش صافية

[اميرة حبى انا]

ماهو ده اللى بقوله وبفكر فيه وشيفاه
ياجماعة رد فعلهم معناه انهم مقتنعين تماما ان المسلمين سبب كل حاجة
وده اللى خلانى بجد اتشد جدا لقصيدة مصطفى مأمون لانه هو الوحيد اللى كتب الحقيقة والواقع واللى هما بيفكروا فيه فعلا
هما مش مقتنعين باللى بيتقال
ان كلنا مصريين
والاسلام برئ من اللى حصل مع ان دى الحقيقة
ده اول بيت فى قصيدة مصطفى
قولى ياجرجس **ليه بتفكر**ان انا دايما**واقف ضدك
بيعبر جدا عن اللى حساه والله بس حساه منهم مش منى انا
يعلم الله انى لا اكن لهم اى احساس مش حلو
وانى حزينة بشكل فظيع على اللى حصل
لكن للاسف هما مش شايفين غير ان المسلمين مضطهدينهم والحاجات دى
ربنا يظهر الحق ويسترها

[اسامة22]

وانا مؤيد نفس فكرتك اميرة
والله انا لما سمعت بالحادث عمري مافكرت وقول مسلم ومسيحي
انا زعلان من الموقف والحادث لانة بشع
ومش ممكن فاعلة ينتمي لااي ديانة
وبعدين لية الاحساس بقي قوي ان اللي عمل دا مسلمين
مايمكن يهود
يمكن مذهب شيعي يريد الوقيعة
تحية لكي اميرة علي عمق تفكيرك