ركن السماح فى قلبى صاح
بيرتجينى ارحم عذابه
وقال كفاياه بكا ونواح
عاوزنى انسى حتى احبابه
وقال حرام حتى الغرام
كان منتقد حتى فى آدابه
وقال ان اخر حتة ف ركن المسامحة اتقتل
من الى ظالم او دمه زى العسل
وقال عاوزنى اعيش وحيد
تبعد هناك نبعد بعيد
لا يهمه فرحة ولا حتى عيد
ولا همه يبئه ف يوم سعيد
ولا يوم قصير او يوم مديد
ولا فكر صايب
ولا رأى خايب
ولا فلسفة ولا كلام
ولا مسامحة ولا خصام
بيبكى بدمايا ويقول حرام
ارحمنى من الى بتحبهم
وبيمثلوا انهم أحبتى
مفيهمش نسور ولا صقور .. لا لا لا
دول حتى صاحبى و صاحبتى
صاحبى اللى كتب اسم البهوات باحلى خط
وكتب حروف اسمى بتفاهة
زى المريض لى ابتدى فترة نقاهة
وحتى اختى القريبة م القلب
لما ربى يوم شفاها
اول سكين مسكتها
ف قلبى انا جت غرزتها
واللى قالت لى ان الى بيصبر ينول
والى ياما تشجعنى انشد واقول
وباغنى وياها يحيا الأمل.. يحيا نشيد
وياما لحنت فى عينيها العمل ليوم جديد
دبحتنى فجأة وقتلت فرحتى
قتلتنى وسرقت المزيكا من غنوتى
الله يسامحك يا صاحبى
الله يسامحك ياصاحبتى
مش عارفين تفرقوا بين يوم جنازتى ويوم زفتى
ركن السماح لما راح قلبى اتدبح
مش عارف انسى والا أقسى واللا اعمل فرح
ياللى جيتوا تبشرونى بيوم هنايا ف يوم وداع قلب انجرح
يالى دقيتوا الطبول الزفة دى مش زفة جمال
جمال كانت زفته .. جنازة و زفة ف الخيال
قلب اتقتل واتدفن تحت الجبال
ياريتكوا جيتوا من زمان
ياريتكوا عرفتوا الفرق
بين الطرحة والأكفان
الى بتدوروا عليه ف ركن السماح .. دمه استباح والعمر راح
ياللا قوموا واعزفوا لحن الشهيد
او حتى قوموا واهتفوا الفين نشيد
الى اتجرح قلبه اتدبح من الوريد .. والى الوريد
باللى انتى عارفة وانت عارف
ياللى موافقنى او لو مخالف
باللى بعيد وياللى شايف
تعالى والحق لك مكان
تعالى فى جنازتى اشترك .. وانعى معاهم كل الى ف يوم اتكتب
احجز مكانك واكتتب .. خد لك نصيب من جثتى وافرح بدمى الى انسكب
واوعى تبين دمعتك او تبكى ابدا بالدموع
وبدل الموضوع هنا يتكتب الفين موضوع
الحق مكانك ف الجنازة الصامتة .. الجنازة الشامتة
واوعى تغنى الحان الأسى على الشموع الخافتة
واوعاك تعلق على ركن السماح .. تعليقاتك لافتة
والف اااااه يا ركن السماح
يا اللى اتمليت من الجراح
خلاص ياقلبى راح الى راح
ورجعت لوحدك مشوارك حزين
تمشى وترجع مشوار السنين
وتعزى ف جنازتك مع اللايمين
مش مهم هم مين ولا انت مين
ياالف اهة طالعة بتكوى من بين نبضات الضلوع
لسه الجنازة بتبتدى ومفيهاش معانى للدموع
ياهلترى جبتوا الكفن من بين كلمات الموضوع
والا الكتابة على الكفن أصبحت حق ومشروع
انا لسه دمايا اهى بتسيل .. ومفيش منديل
ولا عمرنا هاننسى لك يوم الجميل
بس اوعى ترجع ف كلمتك ياقتيل
انت الى اخترت تموت اصيل
احسن ما تحيا مكسور ذليل
ومش مهم يا جمالنا لما تموت قتيل
ما هو انت ياما عشت سنين عليل
المهم الموتة بايدين المحبين يا جمال
الموتة وانت بتكتب جنازتك فى المقال
ياللا معانا قوم ندفنه .. ولا قيل ولا قال
جمال
جمال ياللى عشت سنينك بتحب اهلك
قوم
قوم خلاص قوم كفاية جنازتك بتنده لك
رد مع اقتباس
المفضلات