!!!!!!!!!!!!!!! و عجبى !!!!!!!!!!!!!!!

[فريد]

صباحك معطربقلة القيمة
و لو فتحت بقك بالجزمة القديمة
صباحك مطين منيل مهبب
اركب و انت صامت
و انزل و انت ساخط
لكن ساخط و ساكت
لحسن ياشاطرتروح للحكيمة
اغضب جوا نفسك لكن متفتحش بقك
عشان لو فتحته هاكرهك مش هاحبك
ووقتها ياشاطر مينفعش خواطر و سامحنى هالبك
اتعلم من اللى قبلك و عمل لنا فيها
وكان مفكر ان الموجودين معاه فيهم و فيها
ووقت ماقامت اللى بالى بالك
كله طنش مش واخدلى بالك
يلا يامواطن روح اشتكينى
ولو عرفت وقتها تلاقينى
ولو سالوا فيك من اصله كان على عينى
شوف يامواطن عيش و كل عيش
ده حتى ياغلبان العيش بح مفيش
موت يامواطن بحسرتك
مفيش اى حل لازمتك
حتى لو حطيت راسك مكان جزمتك
او بكيت دم بدل الدموع على مخدتك
هيه دى حياتك وطول عمرك وانت راضى
طول عمرك تهلل و بعدين تنزل على الفاضى
و احنا عارفينك و انت عارفنا
متجيش على الاخر بقى تقرفنا
احنا كده كده هانعمل اللى يعجبنا
و لو مش عجبك فارقنا و سيبنا
اركب مركب و روح على ليبيا
يمكن تقدر تروح ايطاليا
و لو مقدرتش هاتريحنا و هاترتاح
و تكون النهاية مواطن راح
كان مجرم كان سفاح
قتال قتلة ده كان دباح
وادى نهاية اى مواطن يفتح بقه
او يتجرأ ويقول رايه
عايزين ناس هادية و ساكتة
تصفق تهلل ضاحكة و راضية
عشان الصفوة تقدر تعيش
من الاخر الشعب مفيش
و عجبى
!!!!!!!!!!!!!!!!

[اميرة حبى انا]

لا حول ولا قوة الا بالله
ربنا يصبرنا ويرفع البلاء اللى احنا فيه ده عنا
شكرا يا استاذ فريد
واقعية جدااااااااا

[fagrmasr01]

ههههههههههههههههههههه
وعجبى وعجبى ... وعجبى اوى .. اوى جدا خالص
كلامك حكم ..شعبنا طول عمره مكتوم ساكت ولايص
وكل اللى يحصل .. دا لو يوم يعنى يصرخ .. ياخد له يومين
ويرجع يغنى وللزعيم يهنى .. واجدع تحية عمال او فلاحين
ويعيش ماتش كورة .. ويرسمولوا صورة حكماء ومثقفين
تسلم اوى كلمتك يا عم فريد
وقول كمان .. هل من مزيد

[فريد]

لا حول ولا قوة الا بالله
ربنا يصبرنا ويرفع البلاء اللى احنا فيه ده عنا
شكرا يا استاذ فريد
واقعية جدااااااااا

الشكر ليكى يااستاذة
كتبتها و بجد حاسس كل اللى فيها
و اكتر بس انا هديت شوية
اشكرك و نورتى الموضوع

[فريد]

ههههههههههههههههههههه
وعجبى وعجبى ... وعجبى اوى .. اوى جدا خالص
كلامك حكم ..شعبنا طول عمره مكتوم ساكت ولايص
وكل اللى يحصل .. دا لو يوم يعنى يصرخ .. ياخد له يومين
ويرجع يغنى وللزعيم يهنى .. واجدع تحية عمال او فلاحين
ويعيش ماتش كورة .. ويرسمولوا صورة حكماء ومثقفين
تسلم اوى كلمتك يا عم فريد
وقول كمان .. هل من مزيد

مش بقولك انت استاذ الاساتذة
كلامك كله عجبى و عجبى و عجبى
اشكرك على المداخلة الرائعة و الكلمات الجميلة