تعديل نشيد وطني الأكبر
بعد التعديل
نشيد وطني الأكبر
للأسف مالاقيتش مكان احطه فيه
فقولت اشوف ايه رأيكو
هل تنقع الحالة اللي وصلنالها دي
والنشيد اللي كنا بنسمعه من فنانين كبار
وشعر راسنا يقشعر واحنا بنسمعه
من العزة والشموخ في الكلام والأداء
يوصل لكدا
وطنى حبيبى الوطن الاعور .. يوم ورا يوم يتبهدل اكتر
وانتكساته ماليه حياته .. وطنى عليه قلبى بيتحسر
وطنى عليه قلبى بيتحسر .. وطنى .. وطنى
وطنى يا سبب الحسره فقلبى .. وطنى يا وطن الغلب العربى
ياللى زمان كان حلمك وحده .. دلوقتى بترقص عالواحده
يا وطن هيفا ونانسى ونجلا .. وطنى بجد قلوبنا حزاناا
وطن الوكسه يا وطنى يا عربى ....
وطنى يا صابر على حكامك .. وطنى يا باكى على احلامك
وطن العزه بقى لامؤخذه ... وطن الديسكو ووطن الغرزه
ده شبابه حلوه وهيجااانه .. وبناته قالعه وفرحانه
وطن الوكسه يا وطنى يا عربى ..
وطنى يا لعبه فـ أيد امريكا .. عريان على ميلودى ومزيكا
ياللى بقيت بتبيع طعميه .. على باب الجامعه العربيه
قراراتها تهريج واونطه .. على ورقه ويترمى فالشنطه
وطن الوكسه ..يا وطنى يا عربى ..
وطنى مكسوف وانا بكتبلك .. كان نفسى اصرخ واهتفلك
الكلمه لوحدها مش كافيه .. عايزه القوه وعايزه العافيه
علشان نقدر بيها نغير .. ونثور ع الأوضاع ونحرر
يمكن ترجع تانى تنور .. عين الوطن الغالى الاعور
وطنى حبيبى الوطن الاعور .. يوم ورا يوم يتبهدل اكتر
وانتكساته ماليه حياته .. وطنى عليه قلبى بيتحسر
وطنى عليه قلبى بيتحسر .. وطنى .. وطنى
رد مع اقتباس
رد: تعديل نشيد وطني الأكبر
المفضلات