لقاء السحاب ( مرســـــى -- مبــــــــــــــــــــــارك )
لقاء الســــــــــــــحاب
السياسة لا تعرف الكبرياء.. كرسى الرئاسة قد يضيع.. الوطن قد يضيع.. الرئيس مرسى فكر أن يستعين، ولو بالشيطان.. فكرة جهنمية لمعت فى رأس الرئيس.. الحرس الجمهورى يرتب زيارة سرية إلى طرة.. مشاورات تجرى مع مبارك، للاتفاق على الزيارة.. لقاء السحاب بين الرئيسين:
مبارك ومرسى..
إليكم التفاصيل:
مرسى: طبعاً عارف أنا جاى ليه، فى الساعة المتأخرة دى؟!
مبارك: ههههه.. زائر الفجر.. فكرتنى بزيارات أمن الدولة، بتوع حبيب العادلى!
مرسى: لأ أبداً.. أنا جاى أستشيرك صراحة.. البلد دى كانت ماشية إزاااااى؟!
مبارك: بس ما ينفعش نتكلم، أنت رئيس وأنا حبيس.. لازم تكافؤ أولاً!
مرسى: يا سيدى التكافؤ موجود.. إحنا الاتنين دلوقتى فى طرة.. مساجين(!)
مبارك: لأ، أنا دلوقتى حر.. إنت سجين كرسى الرئاسة، وقصر الرئاسة!
مرسى: طيب لو عاوز العفو، ما عنديش مانع، بشرط نتعاون للخروج من الورطة دى!
مبارك: أنا ما بقيتش محتاج عفو.. اللى يعيش يوم فى السجن، يعيش طول العمر.. المشكلة فى اليوم الأول!
مرسى: الحال من بعضه.. أنا دُقت السجن قبلك.. الحياة كلها سجن(!)
مبارك: أنا معنديش مانع نتعاون.. شيرين بتقولك: ما شربتش من نيلها؟.. ههههه(!)
مرسى: طيب إيه شرطك يا «ريس»؟.. أنا مستعد أرجعك المركز الطبى العالمى فوراً!
مبارك: كتر خيرك شكراً.. بس يحضر الجلسة دى فتحى سرور، وصفوت الشريف!
مرسى (مستغرباً): ناقص يحضرها الإعلام والفضائيات ووكالات الأنباء؟!
مبارك: وجود صفوت مهم، هيقولك إزاى كان بيشتغل الأحزاب، فى حوارات والسلام!
مرسى: يبقى فتحى سرور لزووم الطبخة.. وحبيب العادلى عشان ملف الأمن!
مبارك: موافقوووون.. موااااافقة!
مرسى: لا مانع.. مصر مش أى حد يسوقها.. ساعات الشرطة تستعين بالمسجلين خطر!
مبارك: عشان كده كنت قلقان من توريث الحكم.. سوزان هيه اللى كانت مصممة!
مرسى: عاوزين نناقش ملف سيناء، والأجور، والمظاهرات الفئوية.. نعمل إيه؟!
مبارك: إسأل حبيب العادلى.. تانى حاجة بطلوا كلام عن الإمارة والخلافة والحاجات دى!
مرسى: عاوز حل سريع، يرجع هيبة الدولة؟.. سيناء بتضيع، والشعب غضبان!
مبارك: الناس ممكن تستحمل الجوع، لكن الأمن أساسى جداً!
مرسى: ممكن نكرر لقاءاتنا؟.. يعنى نكون فى حالة انعقاد مستمر؟!
مبارك: بس عاوز أسألك، بعد تجربتك مع المتظاهرين.. أنا هنا ليييييه؟!
تقبلوا وافر احترامي وودي
رد مع اقتباس
المفضلات