هل سيستطيع مرسي الاصلاح

[قموره]

سؤال عسير و انا عن نفسي اقول لا

و لا لاسباب كثيرة
اولها ان ال48 % الذين انتخبوا شفيق او علي الاقل معظمهم يتربصون بسقوط مرسي و الامر صار علانية يخرجون في الصحف و برامج الاعلام لا لشئ الا لتصيد الاخطاء

و ثانيها ان الاصلاح يحتاج الي بناء هيكل كامل فكل قيادات مؤسسات الدولة من اعلام و داخلية و شركات قطاع اعمال و هيئات حكومية كضرائب و احياء و كل المؤسسات الخدمية كارهة للاخوان و لم لا و هما تاريخهم لا يحمل سوى الارهاب والطاعه العمياء ولكل من يخالفه كانه يخالف شرع الله ويقام عليه الحد

و ثالثا ان الامر اصعب من وقت ثورة 1952 لان الان البلد منقسمة و صارت حزبين متحاربين نصف يحاول الاصلاح و هو للاسف قليل الحيلة و نصف يفسد و يشيع في الارض فساد و خراب

لا داخلية حتي عساكر المرور اختفوا من كبري الميادين فصار المرور عبارة عن هرج لا اخر له
انقطاع الكهرباء الغير مبرر وفى نهايه الامر يتقدم رئيس وزارء مصر الاخوانى بان نقعد فى اوضه واحده كلنا ونطفى كل حاجه باى منطق وعقل ده
امور كثيرة و لا تحصي

و الاهم هو اني اري انه يتم استهلاك طاقة و وقت المؤسسة الرئاسية في امور لا اراها ولا اشعر بنتائجها
نريد يد من حديد تضرب و تبطش بكل ساعي الي الخراب
لاني اري نهاية للاسف معتمة لو ظل الامر هكذا و هذا ما يريدونهل سيستطيع مرسي الاصلاح

الشعب بدأ يتذمر و هو محق اين الامان يا مرسي
اين النظام
اين الحقوق

و علي الجانب الاخر الاعلام يسود الصورة اكثر بكذبه و افترائه

اتمني ان اكون مخطئه وانتظر نقاشكم معى وتفاعلكم بالموضوع

[احمد 300]

انا شايف ان ما بنى على باطل فهو باطل والرئيس والجماعه والحذب كلهم باطلين بدليل قتلوا نعم كذبوا نعم راشو نعم استولوعلى المناصب نعم


وبعدين يلا ناخد امثله من الواقع
مجلس الشعب اتعقد 5 شهور طبعا كله حريه وعداله وما اخدو قرار واحد فيه.
مرسى والمائه يوم عدى 60 ولمو الذباله ورجعنا ورا لسنه 73 قطع الكهرباء وقله فى الجاذ والبنذين ومفيش خبذ ومفيش مايه.
الحكومه الجديده حكومه مهرجه باستثناء الدفاع والداخليه
اعلام مضلل وفاسد وكله نفاق

طيب فى امائه يوم الرئيس مقدرش يغير فى الاعلام طبعا غير هيقفل كل القنوات المعارضه له.
دور مصر دوليا انتهى بنتهاء ولايه مبارك رؤس الاموال بدئت تخرج من مصر ومفيش مستثمرين
السياحه ربنا يستر وما تنتهى

والشعب طذ فيه اذا بيعترض على حكم الاخوان دا كلام المرشد السابق

مستنيه ايه بقا ست قموره من رئيس وحكومه ماعندهاش خطه لانقاذ البلد غير انكم تلبسو ملابس قطن

[خلود]

لا مرسى مصلحش حاجه ولا هيصلح

مكافأة جماعة الإخوان لطنطاوي على حمايته للثورة حتى تسلم زمام الأمور مرسي هي الإقالة...ونعم المكافأة ولا يستغرب العمل من أهله..أليس كذلك...

الغاء الاعلان الدسستورى المكمل ده كمان مصيبه علشان يجيب لنا دستور على مزاجه هو وجماعته

ولسه ياما هنشوف

وياريت اللى مش عاجبه رايى ولا كلامى يتناقش بالراحه وبالديمقراطيه اللى بننادى بيها ومن غير خناق

[احمد 300]

ال يسمع كلامكم يقول انكم كنتم واقفين جنب المجلس العسكرى على حد علمى معظمكم كان بيطالب برحيله هلا هيجيب دستور على مذاجه
انا شايف ان الايام الجايه هتكون اسواء من ال فاتت وربنا يستر واتمنى ان الشعب يفضل نايم لحد ما ولاده يطلعو مشردين بلا مأوى

[lionking]

انا ضد العسكر اللى بقالنا 60 سنة غرقانين فيهم

لا اؤيد الاخوان ولم انتخبهم ولن انتخبهم ولكن احترم الصندوق

ارفض بشده التهكم على شخص الرئيس او اى شخص واذ اردنا ان ننقد فلننقد سياسات ولنكن موضوعيين ولا ننظر للون الرمادى فقط

مرسي لم يكن طموحى لكن الشعب خذلنا .... وبالنسبه ليا لانى مش بحب مبدا اللى نعرفه احسن من اللى منعرفوش موافقة على تجربه حكم الاخوان

ايه الفوبيا اللى عندنا دى منهم هما بغباؤهم بيقضوا على نفسهم باديهم وحزبهم لن يتحصل على اعلى اصوات فى الانتخابات القادمه

ولكن الاهم من كل الجدل ده ان احنا نتعلم نقرا كل الاراء اللى مع واللى ضد يعنى انتوا هنا ضد مرسي لكن انا اؤيد وانتقد الشخص والقرارات ولا ارفض من باب الرفض لانه اخوانجى

وده مش عيب فيكم ولا ميزة فيا لكن من كثرة الاحداث التى مرت بنا الزمتنى بوجوب المعرفه قبل اتخاذ القرار


عايزه اسالكم سؤال

ممكن كل واحد فيكم يقولى هيعمل ايه فعليا عشان يواجه الاخوان غير الشجب والتنديد ع النت ....؟؟؟ واعتقد برضو ان مليونة العوكش وابو حامد هتفشل بس عايزة اعرف الاكشن اللى هتعملوه على ارض الواقع او اللى عملتوه لمواجهة الاخوان ؟؟؟؟