ياحبيبتى أيوه.. انتى واحشانى

[fagrmasr01]

باقولها لك بدقات قلبى ووجدانى
يا حبيبتى أيوه .. انتى واحشانى
بأكتب لك بروحى ونبض ألحانى
يافرحة عمرى سيمفونية وأغانى

حبيت الحب مع اسمك وأنا كنت وحدانى
لقيتك للفَرَح غنوة بتمسح عنى أحزانى
شفتك نور وتغريدة وربيع لكل أغصانى
أحس بأغلى أفراحى لما تكونى فاكرانى

انا عارف ان الحب فيكى حولنى لأنانى
وأملا الكون حواليكى وتكونى سامعانى
وأعيش حبك فى ضحكة وفرحة وأمانى
نسهر ويا النجوم أفراح وبسمة وتهانى

[خلود]

ايوه ياجمال واحنا كمان وحشتنا ابداعاتك وكلامك وقصايدك الجميله دى

اتمنى ترجع لنا بجد بأشعارك وكلماتك البسيطه الرائعه العاليه فى قيمتها

واحلى سقفه كبيره وننتظر المزيد

[fagrmasr01]

يارب ياخلود يزيدك نور على نور
شكرا لمرور بيدخل ف قلبى سرور
أتمنى ان باقى أعضائنا ومديرين منتدانا ومشرفينا ينورونى فى اشعارى .. حتى يزيد تواجدى وإصرارى

[فريد]

جميلة ياعم جمال
تسلم ايدك و ابداعاتك و اشعارك
دمت لنا من ابداع الى اخر

[fagrmasr01]

يارب يخليك يافريد
الجمال ياصاحبى تشجيعك للكلمة بمرورك
يارب يباركلك ودايما تنور صفحتى بنورك