إيقاف أحمد سعد عن الغنا.. بقرار من الموسيقيين




أصدرت نقابة المهن الموسيقية قرار بوقف المطرب أحمد سعد عن العمل وده لانه ما التزمش بانه يروح لمقر النقابة عشان يبحث الشكوي المتقدمة ضده من الموزع الموسيقي أشرف محروس اللي اشتغل مع احمد سعد في تتر مسلسل "احنا الطلبة" في رمضان اللي فات ولكن احمد اخده لمسلسل "شارع عبد العزيز" ومادفعش تمنه لغاية دلوقتي .. وقال محروس" اشتغلت مع أحمد سعد في رمضان اللي فات تتر مسلسل "إحنا الطلبة"، ولما سمع عمرو سعد التتر أخذه لمسلسل "شارع عبدالعزيز" وتم الاتفاق علي مبلغ محدد مقابل التوزيع والتسجيل وإيجار الاستوديو والعازفين وبالفعل تم تسجيل العمل وإذاعته ولكن من غير ما يدفع أحمد الأجر اللي اتفقوا عليه.

وأشار محروس إلى أن الاتفاق كان مع أحمد سعد ومش الشركة المنتجة. وقال: في العمل ده تحديداً تم الاتفاق بيني وبين أحمد سعد لأن عمرو سعد هو بطل المسلسل وهو اللي كان عايز الأغنية ده . وأضاف أنه كان مفترض يدي الشاعر جمال بخيت مبلغ هو كمان ولكن أحمد اختفي ومبقاش فيه هناك طريقة للاتصال، فالشاعر لازم يتنازل في الشهر العقاري للشركة المنتجة أما التوزيع الموسيقي فمالوش تنازل.
وأضاف: قدمت شكوي للنقابة اللي استدعته، ولكنه مارحش. فأصدرت النقابة قرار بوقفه عن العمل، لأنه اتعهد ليلة رأس السنة بأنه حيروح للنقابة، ويحل المشكلة ولكن ده محصلش وحألجأ للقضاء عشان اخد حقي الأدبي والفني من أحمد سعد والشركة المنتجة لأن خطأها أنها مسألتش عن موزع الأغنية وما كتبتش اسمي علي تتر المسلسل زي ما بيحصل في كل الأعمال وده حقي الأدبى.








منقول