إيهاب توفيق بيتعلم التجويد على ايد الطبلاوي



ايهاب توفيق قرر انه يسجل القرآن الكريم بصوته وعشان كده بدأ اليومين اللي فاتوا في انه يجتمع بعدد من المقرئيين ومنهم الشيخ الفضيل محمد محمود الطبلاوى قارئ القرآن الشهير و الشيخ محمود الشحات، وغيرهم واللي حيكون ليه معاهم في الفترة اللي جاية قعدات كتيرة عشان يتعرف علي أصول القراءة وأحكام التجويد، عشان مايغلطش فى وقت التسجيل اللى حيبدأ قريب جدا .





يذكر ان إيهاب توفيق نزل فى شهر رمضان اللي فات ألبوم ديني هو "أرحنا يا بلال" وكان فيه 12 أغنية.وكان بيفكر فى تقديم القرآن الكريم بصوته من فترة طويلة، وقرر في الفترة الاخيرة انه يأخد خطوات جدية عشان ينفذ الرغبة دي، المعروف أن محمد الحلو وشيرين عبد الوهاب وعلي الحجار و هاني شاكر أعلنوا قبل كده رغبتهم فى تسجيل القرآن الكريم بصوتهم.
وكان ايهاب عمل حالة جدل كبيرة لما رفع الأذان بصوته من سنتين، وأصر على انه يحقق أمنيته بتسجيل القرآن الكريم، وكمان ناوي ينزل مجموعة تانية من الأدعية الدينية.










منقول