طبعا كلنا فاكرين مسرحية المتزوجون بتاعه سمير غانم وشرين
لما كان شغال فى المجارى ولينا وقعت فى المجارى وبعد كده اتجوزها
وكل شويه كان يقول
اموت واعرف مين اللى زقنى

يعنى فجأه تبقى ماشى فى حالك وتبص تلاقى نفسك وسط خناقه لا ليها اول ولا اخر ومتعرفش مين اللى زقك او دخلت فيها ازاى
فجاه تبقى مثلا راكب فى مكان او قاعد فى مكان وحد يطلب منك انك تدخل فى موضوع مالكشى فيه بتاتا وتلاقى واحد يقولك احضرنا يا استاذ وبعد كده تلاقى نفسك اتهزأت

وترجع تقول
اموت واعرف مين اللى زقنى

وكمان فجأه تبقى فى حالك ومالكش دعوه خالص مالص ولا ليك فى الحب ولا غيره ولا على بالك وتلاقى حد يقولك ياخى ما تجرب
وترجع تندم وتقول

اموت واعرف مين اللى زقنى
سيبك من ده كله
مره نفسك هى اللى زقتك عشان تأذى نفسك
حد فاهم حاجه

ولا انا اللى فاهم يبقى يفهمنى








منقول