لو يفآرقني وجودك‘ مآ يفآرقني غلاك‘ يكفي إني حيل أعزك حتى لو مآني

:11nk(2)::11nk(2)::11nk(2):










هلا يامن تعلى في عيوني عن الغير...
هلا يامن بطيبه فوق كل الناس عالي...

---------------
علمني لاصارت الدنيا تعاندني وين أروح؟
علمني لا صاروا أصحابي أغراب لمين أبواح؟
فهمني إذا إحتجت لك بليلة ظلمة ومالفيتك كيف أعيش؟
وفهمني لوضاع الوقت مني ورحت عني ليه أعيش؟

-----------------
مهما تصد أعشقك وأهواك وأغليك
ماهمني رفضك ولا أبغي ردودك
كيفي إذا بمتحن في حال هاويك
وكيفك إذا تبغيني أعاني صدودك
تصد
تبعد
تبيع
شاريك
شاريك
أصلا حياتي بس مجرد وجودك...

-------------------
لو إلتهينا بالزمن مانسينا ناس عزيزة
والمعزة وهايب إن غاب غيرك يفقد الكون إنسان
وإن غبت عني أفقد الكون كله
كلن يقول إن الوفا صعب نلقاه وأن أقول إن الوفا فيك مخلوق...

-------------------
يمكن يصعب على العين تشوفك كل لحظة
لكن يصعب على القلب ينساك بأي لحظة

---------------
إذا هان عليك أيام من غير سماع صوتي
بيهون عليك الخال لين تسمع خبر موتي

-----------------
من أنا بحياتك؟
مجرد حبيب تسليت معاه وبالنهايه تركته
مجرد ذكرى مرت إبحياتك ونسيته
أو معلم حبيت يعلمك الغرام وبالأخير جرحته
علمتك الحب واليوم روح علم غيري كيف يحبك
بس والله

-----------------
تضيق عيني بالبشر وقت فرقاك
وأشوف كل الناس عقبك ولاشي
ياصاحبي وش هي حياتي بلياك ؟؟

------------------
عجزت أفسر كيف أنا محتاجك
وتعبت أمثل إني بخير وأنا أموت حزه غيابك

------------------
******أنا ما أوعدك بنجوم
ولا أرسم في سماك غيوم
أنا ما عندي إلا قلب إذا حبك يدوم

-----------------
*****لو قلت أعشقك أكذب عليك
ولو قلت أحبك ماوفيت بإختصار أنت شي لو فقدته انتهيت

-----------------
أحاول أكتم إحساسي
ولاأرسل رسالة شوق
لكن لك وحشة بقلبي
نستني الصبر والذوق

------------------

أحبك .. وكيف أصف ..؟
أحبك .. يا فؤاد روحي..
أحبك .. يا ملهمي..
أحبك .. يا عاشقي..


أحبك .. وكيف أصف..؟
حنيني إليك ..
وشوقي إليك ..
وضياعي بدونك..

أحبك .. وكيف أصف..!!
أحبك .. وحبك في قلبي..
أحبك .. وأسمك في وجودي..
أحبك.. وعالمك عالمي..

--------------
الحب ماهو بالمتاجر يباعي
مشاعر بين النفوس محكومه
ماللزعل ومعاند النفس داعي
محد على كيفه يحقق حلومه
بلهون ياراعي العيون الوساعي
لاتجرح الغالي وعقبن تلومه
إن غبت عن عيني عشقت استماعي
أحرك الهاتف وأدور علومه

-----------------

ماعاش مخلوق يعرفك وينساك
بس الزمن زادت علينا حموله
ياصاحبي جعل المخاليق تفداك
يفداك كل الكون عرضه وطوله
اضرب بي الهامه وانا كف يمناك
أطول منهو عجز غيري يطوله

-----------------
أحبك

وأعيش بعروق دمك

ولو تقول
السما خضرا
أقول:
خضرا ولايهمك

----------------
أجيك
مع نبض الهواجيس

أدق بابك والملا نعاس
أطريك
وعيوني مراميس

وأنا ع شاطي الشوق جلاس

كلك
مثل جملة احاسيس
صرت بغرامك نبض حساس

وان مر اسمك في المجاليس
بك افتخر في جلسة الناس

----------------
انت مثل الذهب مهما علا
فوقه غبار يبقى مدى الايام سلعه ثمينه
ومثل المطر مهما المطر هل مدرار
لوغاب عام صاحوا الناس وينه
ومثل البحرغلطان من قال غدار
وموجه يعالج كل عبره حزينه

-----------------
هب الشمال وجابت
الريح ذكرى
ياليت لي ف بال الاحباب طاري
ياما على وصلك تحريت ذكرى
وياما ع طاريك عطرت داري
لمصافحك كفي
من العام عذرا
تغار من لهفة يميني

يساري

--------------------
دايم ف نومي انا احلم
بك حلم مايحلم به الراوي
وسط دمي دايم ابحربك
انت المشافي والمداوي وف حشايه
القلب ينبض بك وف عيوني
ناظري اتساوي وفيك انا هايم وافكر بك
ومابخاوي غيرك مخاوي

-------------------
القمر والكون لو تبغي عطيتك
من كثر ما اغليك اتباها بغلاك
افقد الادراك لو ساعه جفيتك
تسمح الزلات لو قولي خطاك
يا إله الكون من قلبي دعيتك
تحفظ المحبوب ياعالي ف سماك

------------------
أكذب .. أكذب .. لو اقول
اني نسيتك بداخلي اشواق تتمنى لقاك
يا ملاك الروح من قلبي هويتك
من يقول القلب في لحظه نساك؟
بالكاد غلطان دامه مادرى اني
اتنفس من هواك

---------------------
لو وصفتك ما وصفتك ما وفيتك
كامل بالزين والزين ف حلاك
ياحبيب القلب كل عمري فديتك
والعمر لولاك في عيني هلاك

------------------
ليش متغير حبيبي مدري والله
وش جرى لك من ودادك مستصيبي
يلا بادر باتصالك مشتاق لك والله
حبيبي أموت وأتمنى وصالك

------------------
ان كان بعدك هو نصيبي
ما اريد هالدنيا بدالك
بصبر ع همي حبيبي
لو كان ف بعدك مهالك
وبداوي قلب مستصيبي
اخلص بحبه ووفالك
ومهما عن عيني تغيبي
بعيش اتأمل خيالك

------------------

كان المسافة ترفض إني أشوفك
خل إتصالك غصب عنها يجيني
وكان إتصالك تمنعه ظروفك
يكفي رسايل شوق بينك وبيني
وإن كان مالي حظ حتى بحرفك
خلك بعيد ومسكنك وسط عيني!

------------------

خوفي يطول الليل والحلم ينساك
خوفي عيون الكون بالحيل تبكيك
مني لك الإخلاص لوطال فرقاك
مهما يطول البعد ماني بناسيك
تبقى على عهدي دام إني أهواك
وتبقى لك أحلامي رسايل تناااااااديك ..

------------------

***اترك جمالك ياحبيبي على جنب
غير الحلا يعجبني بزود طيبك
كلك على بعضك تجنن وتنحب
حظي كبير اللي جعلني رفيقك
إن كان حبي بنظر بعضهم ذنب
يامرحبا والله بذنب يجيبك
ماقول غير الله يخليك يارب
ويعمي عيون من حسدها تصيبك

------------------

أعد الحروف
ودايم أنساها
وإذا تذكرتك
أذكر ثمان منها
( ر ب ي ي ح ف ظ ك )

------------------

إذا كان همي يرضيكم
أنا مهموم برضاكم
وإذا دمعي نزل مره
نزل من طول فرقاكم

------------------
قالوا :

وش اللي بين قلبك وبينه
من حضرته يومه عن الناس ملهيك !

قلت :

العفو عمري رخصته لعينه
وأرمي بروحي له بدرب التهاليك
لو قال ابي الاثنتين ماهي ثمينه
أو قال أبي عمرك وباقي لياليك

------------------
سلام يا أهل الجود والطيب والعز ،،،
ياللي لكم بالصدر قدر ومعزه ،،،
القلب من فرقا الأجاويد يهتز ،،،
مثل الشجر يوم العواصف تهزه ،،،
في قربكم كل المخاليق تعتز ،،،
عيني لكم تشتاق كل حزه ،،،

------------------
تأكد اسمك بقلبي
مايمحيه الزمان
أبيك لو غبت تذكرني بكلمه

عزيزها لانسان ،، إذا حب
صعبه النسيان

------------------
ليتك يا أعز ناسي لنا جار ..
يوم أجيك ويوم مثله تجيني ..
وليت المسافه بيني وبينك جدار ..
والباب بنص البيت بينك وبيني ..
جيتك عزيزه ولك مع العز مقدار ..
وأيضا ماتساوي يالغلا نور عيني ..

------------------
مهما يفرض القدر
غيبتك تظل غالي
ومهما تغيب عن دنيتي
تظل دوم في بالي ..

------------------
غيابك يزيدك
غلا !
وغلاك يزيدك
حلا !
وحلاك يزيدك
دلال !
وكلهم يزيدوني عذاب

------------------
تصدق
اشتقت لك !
أنا أعترف ..
بعدك حياتي تختلف
تايه وحيد
أصيح باسمك وأرتجف ،
في كل شي أتخيلك ..
ومهما تغيب
عندي أمل
بكره تجي وبكل شوق
أ .. س .. ت .. ق .. ب .. ل .. ك

------------------

ماادري رداة الحظ ولا المقاسيم *** بس الاكيد طعون قلبي عظيمه

------------------

اجيه عاني واجزم اني احاكيه !!ولا شفت زوله ماقويت الكلامي

------------------

أنا مابي من الدنيا مظاهر أصلها كذاب "" ابي صدر إلا ضاق الزمان أنام بأحضانه

------------------

حبي لك شيخ على الذل مغصوب .... ماتوا عياله والزعامه خسرها

------------------

الحزن يلحق راعي الطير لي ضاع ** وأكبر قهر لاشفته على كف غيرك



:bye::bye::bye::bye:






منقول