السلام عليكم ورحمة الله وبركاته

مع التغيرات الى بتحصل فى المجتمع تغيرة قيم وعادات كتيره
انهرده هنتكلم عن الجواز

التكافؤ بين البنت والولد مطلوب وبشده

تكافؤ فى المستوى المادى والتعليم والاجتماعى

ده كان زمان اما الان مع التغيرات والظروف الى بقينا فيها تغير كل شئ

بمعنى ان مستوى التعليم لا يراعى المهم بيشتغل ولالا

استدل فى كلامى هنا عندنا مهندسه اتجوزت مبيض محاره دبلوم

وغيرها كتير من البكالريوسات

طيب المستوى المادى بقى لا يراعا برده مش مهم المهم يكون بيشتغل ويقدر يفتح بيت

وده طبعا كلو متوقف على المستوى الاقتصادى للبلد فى الحضيض

والخوف بتاع الاهل من عنوسة بناتهم
ده الى المفروض يتقال

لكن فى شق تانى وهوه الى لخبط تفكيرى
ان الحب مبيفرقش

اه سمعت كتير الجمله دى وشفت نتيجتها اتنين بيحبو بعض وفى مستويات مش متقاربه خالص

الدافع فى الالجزء الاول من الموضوع هوه الظروف

لكن الجزء ده الدافع مسمى الحب

اذا حتى البنات بقيت لا تراعى الفروق او تتجاهلها من اجل حبها
اسئلتى ليكم

هل فرق المستوى المادى يمنع جوازك من حبيبك ؟

هل الفرق فى التعليم يعنى لو هوه دبلوم وانتى كليه او العكس مش هتوافقى عليه؟

هل اولاياء امرك هيراعو كل ده ولا ممكن يتجاهلوه ؟

ارجو الا تتقيدو بالاسئله النقاش مفتوح فى اى جانب






منقول