الحياه لعبه .. و الناس و الاشياء اوراق لعب !

تعودت ان لا ادخر ورقه واحده فقط

و أضع كل املى عليها .. تحت مسمى ( ورقه رابحه ! )

دائما لى الف ورقه رابحه !

لن اخسر هذه اللعبه ابدا

فما زالت بيدى اوراق !

مهما كانت اوراق ذابله و ليس لها قيمه

مهما كان شكلها !

خاسره او رابحه ف نظر الجميع !

فإنها بلا شك ستفيدنى ف اللعب

و هذا ما اجيده جيدا

الحصول ع العديد من الاوراق

و الاستمرار ف اللعب !

خسرت اوراق لعب كثيره و حصلت ع العديد و العديد

و سأظل العب حتى النهايه و لن اخسر

فما زال ف اللعبه الكثير لاكتشفه !



الكلام الى جاى دا

منطبق ع اى علاقه بإختلاف شكله وقتها

بس هو للصحاب و للحبايب و للاخوات

و للمعارف العاديه كمان ...


 مودى / إيه يا ندى عامله إيه !

ندى / كويسه ـــــــ

مالك يا بت ف إيه !

مفيشـ مفيشـ .. يلا سلام عشان نازله

عليكى و ع مامتكـ .. إجرى

تانى يومــــــ

إيه يا بنتى كان مالك إمبارح !

بعد نص ساعهـ من كلامى ترد و تقول

مفيشــ !!!

لا كدا هشتم و هقل أدبى .. مالك ف إيهـ !

مفيش اصلى تعبانه شويهـ !!!

طب مالكــ !

مفيشـ !

عدى يوم و التانى و اسبوع

و مبعتتليش ولا سألت عليا

زى ما كانت بتسأل دايما !!

مش متابعه مواضيعى ولا بتقولى رأيها

إهتمامها و علاقتنا بتتلاشى تدريجيا !!!

 دخلت ع المنتدى شفتها تمام و بتكلم ناس معينه !

ضحك و هزار و كله فل !!!

و ع الميل ناس قالتلى انهم اتعرفوا عليها

و كلامهم زاد معاها و معاهم كويسهـ !

يعنى هى إتغيرت عليا انا لوحدى !

و مفيش اى شئ وحش حصل بينا !

بس زى ما تقولوا زهقت !

انا سكتت و بعدت من نفسى و مبعتتش حاجه تانى !

جيت بعد فتره عرفت إن الى كانوا معاها

طلعوا نص كم و مش لاقياهم معاها

او مش حاسه بيهم بعد ما كانت موهومه

تقوم راجعه و قايله !

فينك يا مودى واحشنى و الله

مقصره معاك انا عارفه بس غصب عنى

سكتتـ و معرفتش اقول إيه !

و بعد تفكير عميق و رسايل اد كدا منها

قلتلها ...

حمراااااااااااا





الغريق يتعلق بقشايه !!!

حلوه الكلمه دى بس لو ع القشايه !

مش ع البنى أدمين الى لحم و دم !!!





ف ناس بتتعلق بينا كبنى أدمين !

بتحطنا إسبير و حاجه ع جمب

وقت عوزه .. وقت ضيق .. وقت احتياج !!!

اهو نبقى جمبهم و هما متضايقين و بس !

وقت الفرح مش لينا !!!

بيبقوا مع غيرنا وقتها

إحنا القشايه الى بيتعلقوا بيها و هما مش معاهم حد

ضاقت بيك تبقى عاوزنى اكون حواليك

ضحكت ليك إخلاصى يكون حمل عليك !!

ميجوش وقت ما يغرقوا يعملوا حبايبنا

مينفعش طبعا !!!

هنقولهم رافضينكم و بالسلامه ...


الناس دول بنشوفهم كتير اوى ف حياتنا

و بيصعبوا علينا رغم الى بيعملوه دا !!!

موهومين و فاكرين الناس تحت أمرهم

يتعلقوا بينا وقت ما يعوزوا

و يمشوا و يروحوا لغيرنا وقت ما يجيلهم مزاج !

انا مش قشايه .. انا مش عجله إستبن !!!

طول ما العربيه ماشيه هبقى مليش لزمه

ولا حد يبص عليا حتى !!!

لكن اما العجله تبوظ ولا حاجه

يرجعولى و يكون كلهم امل فيا !!!





ناس تفتكرك وقت ما يجيلهم مذاج !

ناس تكلمك وقت إحتياج و بس !

ناس تشوفك متبصش ف وشك و اما يغرقوا

يلحنوا إسمك و يمدحوا فيك !

خلاص كله إنكشف و ظهر





غالبا دى بتبقى حاجه لا اراديه جوا بعض البشر !

مش هنقول غير ربنا يهديهم

و يحاولوا يركزوا كويس اووووى

لان الناس كتير منها ممكن يكون غبى بس مش عبيت !

ف فرق بين الغباء و العبط !!!

الغباء قدره عقليه محدوده

خلقة ربنا حد تفكيره ع اده

لكن العبت = الهبل

الى هو حد مش فاهم اى حاجه ف اى حاجه

و ممكن تشتغله و تضحك عليه بسهوله !

و محدش عبيت دلوقتى حتى الاغبياء ...





عمرى ما هبقى قشه لحد !

يا ابقى ورقتك الرابحه دايما و أبدا

يا تنسانى و ملكش دعوه بيا !

يا انا يا مفيش

هبقى معاك دايما ف الحلوه و الوحشه

مش هتفتكرنى وقت ما تعوزنى و بس !

قول قسوه .. قول غرور .. قول أنانيهـ

مش مهم .. بس دا إسمه

 إعتزاز بالنفسـ





 حد فيكم كان قشايه قبل كدا !

لصاحبه .. لحبيبه .. لاخوه

لاى حد يعرفه !


بتعملوا زى الناس دى و لا لأ !


رأيكم إيه ف الكلام !






منقول