بسم الله الرحمن الرحيم

دلوقتي انا عايشه ف الإمارات .. والسنه الجايه هنزل مصر عشان ادخل الجامعه .. والسنه دي اخويا ومئات زيو هيدخلو الجامعه هناك ونازلين من الإمارات ... في مشكله .. قبل الثوره كانو بياخدو من ابناء الإمارات اللي نازلين مصر 1% يعني 10 مقاعد { 10 طلاب } في الجامعات { الحكوميه طبعا } ... دلوقتي طلعو قرار بعد الثوره انهم هياخدو نص ف الميه يعني 5 بسسسسسسسسسسسسسسسسس !!!!!!!

دي مصيبه .. يعني احنا فرصتنا في الدخول من الجامعه قلت للنص ... ليه كده ؟؟؟
هو احنا مش مصريين زينا زيكو ولا ايه ؟؟ ولا احنا ذنبنا اننا عشنا بره مصر ؟؟ انا واحد صاحب اخويا نزل الصيف اللي فات من الإمارات وكان جايب 97 ونص .. دخلوه علوم وكان كاتب هندسه ف التنسيق ... ووحده صحبتي ادبي نزلت من هنا وقدمت على إعلام وكانت جايبه 95 مدخلتش اعلام .. دخلوها آداب ... ده ظلم ولا لأ ؟؟

يعني الواحد يتعلم 12 سنه ف المدرسه عشان ف الآخر يهدمو طموحنا ؟؟

وكل ده عشان يخلو اللي جايين من بره يدخلو جامعات خاصه ف مصر ... وفي ناس مش هتقدر عليها .. انا مش قصدي انا .. لا احنا الحمدلله نقدر ع الجامعات الخاصه بس ليه ادخل جامعه خاصه لما انا ممكن أدخل جامعة بلدي الحكومه ...

دلوقتي في اهالي طلبة في الإمارات قرروا انهم يروحو السفاره ويحتجو على موضوع النص ف الميه ده لأن في ناس كتير هتضيع بسببو ...

ارجوكم اي حد هنا من الإمارات وموجود ف القهوه وثانويه عامه او عنده حد ثانويه عامه .. ياريت يكلم السفاره ويساعدنا عشان نرجع حقنا ... في طلاب كتير اتظلمو بسبب الموضوع ده


ايه رأيكو ؟؟؟







منقول