احب انهرده اتكلم في موضوع ( الحب بعد الصداقه ) .. طبعا ناس كتير هنا حبت واتحبت .. ناس كملت حكايتها وناس تانيه انتهت وطويتها .. الحب اكيد بيجي بعد تعارف دام لفتره .. ممكن تكون الفتره دي يوم اتنين شهر شهرين سنه سنتين .. ولما بيحس الطرفين بأن فيهم حاجات كتير متشابهه بينهم وانهم مرتاحين لبعض ساعتها بيبتدي الحب وتبدأ معاه المشاعر والاحاسيس تتغير ويبدأ الكلام كمان يتغير .. يتكلمو في كل حاجه ويعرفو عن بعض حاجات كتير محدش يعرفها غيرهم ..

لكن المهم لما يقول احد الطرفين للتاني بعد فترة الحب .. خلينا اصحاب .. طبعا بتكون صدمه موووت وكتيييييييييير جدا من الناس مبيقبلش الموضوع داه .. لكن لو فكرنا بعقلنا وقلبنا وسبنا مشاعرنا على جنب .. هنلاقي ربنا ليه حكمه من اننا نقابل الحد داه ونحبو ونعيش معاه فتره .. ا ومش لازم نخسرو .. نحاول اننا نتقبل موضوع الصداقه من تاني .. الدنيا مبتقفش على حد ولازم نكمل حياتنا .. واكيد كل واحد من الاتنين هيلاقي اللي يحبو بجد .. ممكن حد يندم وممكن حد لأ .. المهم مش عايزين نخسر اي علاقه جميله عيشنا فيها يوم ... عارف ان كلامي كتير منكم مش هيتقبلو لكن هي دي الحياه وهو داه الواقع ومش لازم نضيع لحظه جميله في حياتنا في حزن والم .. عيش الحياه بقلب محب للكل .. حب الناس وخاف عليهم متستناش منهم حاجه اعمل اللي يرضي ضميرك هتنام مرتاح .. انسى يكون جوه قلبك اي جراح .. دور على الحب اللي بجد .. دور هتلاقيهم اكيد في حد ..

ياريت كلامي يكون وصلكم وفهمتوه .......   






منقول