السلام عليكم ورحمه الله وبركاته


..

أحبائى فى الله ..

انا بوجهه كلامى ده لكل فتاه او شابـ ..





عايزة أحكيلكوا موقف اتحكالى من واحدة صاحبتي

كانوا فى رمضان

عارفين يعنى ايه فى رمضان


رمضان يابنات وياشباب شهر الغفران شهر الرحمه


و كانت واقفة فى الجامعة

وأثناء ما هما واقفين ..

جت بنت لابسة بنطلون جينز محزق جدااااا وبادي قصير ومحزق وحالته صعبة خالص

ولابسة فى رجليها كعب عالي جدا

وماشية تطرقع

تك طق .. تك طق .. تك طق

ده كله مش مشكلة ( مع إنه مشكلة )

بس إحنا بقينا بنشوفه كل يوم فده مش جديد

الجديد بقى

إن لما البنت دى مرّت من قدامهم

كان فى ولد عادي جدا كان واقف

طبعا قعد يبص عليها

وبعد ما البنت عدت ومشيت

الولد انتبه

ورفع راسه لفوق

وحط إيده على وشه

وهو بيلف جسمه وبيقول بكل حرقة :

يااااااارب

ياااااااااااااااااااااه

الموقف ده أثر فيا جدا

كل ما اتخيل نظر ربنا للبنت دي فى اللحظة دى كان إزاي ؟؟

الولد ده كان أكيد حاول يتوب من النظر للبنات ( لأننا كنا فى رمضان )

لكن البنت فتنته

يعني أحيانا فى معاصي بتضر صاحبها بس

وبتؤثر على قلبه هو بس

وبتكون في ميزان سيئاته

لكن أحيانا فى معاصي متعدية

يعني خطرها بيشمل الشخص والناس اللى حوله

وكل ده بيكون فى ميزان سيئاته

يعني البنت دي من أول ما نزلت من بيتها

لحد ما دخلته تاني

وهى عمالة تاخذ ذنوب

لو السواق اللى ماشي بالعربية بصلها .. في ميزان سيئاتها

لو ابن الجيران كان بيبص من الشباك ساعتها وشافاها .. في ميزان سيئاتها

والولد اللى شافها فى الجامعة ده والاف الشباب اللى شافوها .. كل دول في ميزان سيئاتها

هتقابلي ربنا بجبال الذنوب والمعاصي دي

مين يا جماعة يستحمل كل ده ؟؟

عايزاكم تقولوا مين يستحمل ده

ها ... ؟؟؟