سيبنى لوحدى


اللى يحب مصر يزرع فيها ورده

ارجوك سيبنى ارتاح..بُعدك حيكون راحتى..
روح وكفايه جراح..سيبنى شويه لوحدى..
انت ماسيبتش شىء على حاله..
وعذاب قلبى واللى جراله..
كان منك.. وانا قلت ومالوا..
واستحملت عشان تصفاله..


ونسيت انى بحبك.. وان مابينا وجود..
كنت بعيش على حبك.. عمرى لحد ماموت..
آه كان بينا حياه..وغرام بتمناه..
غبت وسيبت الآه..
تشهد على ذكراه..


يمكن بُعدك حيكون اسلم..
وارتاح بعدك..الله اعلم..
جايز مُر بعادك عنى يطلع ارحم..
اهوّن بقى من قربك منى وانت بتظلم..
وان ماحصلش ح اغمض عينى وافضل احلم..
انك يوم ماتحب تجينى ح تكون اجمل..
من ايامك وانت ناسينى ونسيت تسأل..
آما بكون شيفاك بعيونى وانت بتتقل..


ارجوك سيبنى شويه لوحدى..
يمكن تعرف قيمتى ف بُعدى..
مش ح تحس كتير بغلاوتى..
طول مانا جنبك بوهب وآدى..
قبل ماتسأل.. تسمع ردى..
عايش من احساسى وودى..
وكل مافيا يحن ويدى..
مش لقيه إلا دموع على خدى..


عايزه اكون لوحدى..واتأمل قصتنا..
واما الوقت يعدى..ويغير ف حياتنا..
يبقى البعد دا اسلم.. ولآ عذابنا وموتنا..
يمكن ترضى ف بُعدى..
سيبنى شويه لوحدى






منقول