مصطلحات ثوريه
مصطلحات جديده (القاموس الثورى)
(فلول)- لفظ يطلق على كل واحد مر او عدى ادام الحزب الوطنى او بص بطرف عينه للرئيس المخلوع او كان عامل جمعيه ايام النظام السابق وقبض فيها اول نفر فبئا غنى
(ناشط حقوقى)--يطلق هذا اللفظ على كل انسان او انسانه يصعب عليها حد متعور فتمسمس ويتقول ياعينى حرام ومن اقولهم الماثوره التى عرفوا بها وقالتها الست نوال
ابو دمعه (قلبى على ولدى انفطر وقلب ولدى عليا حجر)------------------------------------------
(خبير استراتيجى) ويطلق هذا اللقب على كل شخص كان بيتاجر فى العيد باسلحه ومسدسات ميه او رش ولا يحصل على هذا اللقب الا اذا كان معه دبلوم صنايع او ما يعاد
له ويدخل فى اختبارات صعبه واسئله من اهمها اين تقع مصر؟ وازاى تبئا رخم؟-----------------
(ناشط سياسى) هو كل شخص يعرف هو فين ميدان التحرير من ناحيه كوبرى قصر النيل ولا يعتبر الشخص المار من جهه رمسيس ناشطا سياسيا الا اذا مر بعده اختبار
ات من اهمها الكشف عن المنشطات حتى يكون ناشطا ويعتبر الشخص الساكن بحى مصطفى
محمود الان خامل سياسى لانه لم ياخذ جرعه الفياجرا السياسيه--------------------------
(اجندات خارجيه) هو كل من اشترى نتيجه او كشكول مش من الفجاله فعرض نفسه للمسائله لانه ما استخدمش كتاب الوزاره
-(يسارى) هو الشخص الاشول اى الاعسر يعنى بالبلدى اللى بياكل بايده الشمال ودا بيكون ايده طرشه يعنى لو شطح واحد كف مش هيشوف ادامه ----------------
---(يمينى متطرف ) وهو الشخص اللى بيلعب ونج رايت متجنح ودا تلاقيه واقف يمين---
(وقفات احتجاجيه) هو كل طفل معاه الكوره بتاعته واول ما اصحابه يزعلوه ياخد الكوره ويقول (مش لاعب) وانا مالى هه --طب والنبى تيجى --لا مش لاعب وهرش ميه
(مصرى) هو كل بنى ادم عايز يعيش فى امن وسلام فى البلد دى ودا المصطلح الوحيد اللى هيفضل
رد مع اقتباس
المفضلات