أمل الفرحة يا كل حنانى

[fagrmasr01]

دعاء الكروان
الف شكر على اهتمامك بكلماتى
الف شكر يا دعاء على مرورك وتشجيعك
يارب ربنا يبارك لك
آمين

[اميرة حبى انا]

أمل الفرحة .. يا كل حنانى

يافرحة عمرى ياواحشانى

ياسلطانتى وملاك عمرى

أمل عمرى اشوفك تانى
مش هعرف اقول غير انى اول مرة اشوفها
وانها اثرت فيا جدا
لان كلامها اكتر من جميل جدا

[fagrmasr01]

مش عارف اشكرك ازاى يا اميرتنا الغالية

مرورك انتى هو اللى جميل وهو اللى اكتر من جميل بصراحة كمان

يارب ما يحرمنيش من تشجيعك الحلو دا اللى دايما بيسعدنى وبيساعدنى

الف شكر يا أميرة .. ربنا يخليكى يارب ويبارك لك

[وردة الايمان]

ليه حيرتينى ..وخيرتينى ..وانا اخترتك

واخترت اعيشك بحنانك واعيش حيرتك

وباعشق حتى عدوى .. لو جاب سيرتك

باتمنى ..حتى السيرة .. وباعشق غيرتك

احساس الشاعر هنا بالحيره تم التعبير عنه بطريقه جميله .

واضح ايضا احساس الغيره فى البيت الثالث رغم عدم افصاح الشاعر عنه .

وجاء البيت الرابع ليعلن فى رومانسيه .

ان الشاعر يتمنى اقل شىء وهى سيرة حبيبته التى يحب فيها كل شىء حتى غيرتها .

احترت ان انا اختار

اخترت ان انا احتار

اخترت احيا الاسرار

مع حبك بين الاقمار

تمكن عالى جدا فى الستخدام الالفاظ والتشبيهات ...

للدرجة التى تجعلنى احسدك فيها يا استاذ جمال .

ياللى فى بعدك تاه منى حق قرارى

وتايه مع نفسى جوايا مع اشعارى

رحلتى تاهت ملامحها ليلى نهارى

وحشتينى يانور عينى وهنا أقدارى

توضيح ان حق القرار ممكن يتوه فى بعاد انسان تعبير فيه بلاغه شديده .

مرحلة ان الانسان يتوه فى قراره من اصعب المراحل ..اتمنى ان تنتهى هذه المرحله سريعا .

البيت الأخير ...جميل جدا ومناداتك لها بنور عينى ..قمه فى الرومانسيه .

مشاعرك جميله جدا يا استاذ جمال .

وفى كل ثانية باناديكى

روحى هايمة حواليكى

وادعى ان ربنا يحميكى

وبعمرى كله انا افديكى

لقد حصلت هذه الحبيبه على اجمل شىء ممكن يحصل عليه انسان

طال البعاد ياواحشانى والقلب تاه

وباغنى معاه بألحانى عذاب الآه

بنظرة منك تداوينى والسعد القاه

منايا لو المح طيفك واعيش وياه

مش بس حق قرارك تاه مع اشعارك ده كمان قلبك تاه بغياب حبيبتك .

والبيت الاخير جميل فانت تتمنى الحياه مع طيف حبيبتك .

خيال الشاعر ....جزء من ابداعه .

أمل الفرحة .. يا كل حنانى

يافرحة عمرى ياواحشانى

ياسلطانتى وملاك عمرى

أمل عمرى اشوفك تانى

تعبير سلطانتى ...تعبير اعجز عن وصف معناه.

وملاك عمرى ..تشبيهك لحبيبتك بالملاك من ارق ما كتبت .

استاذ .....جمال.

ابداعاتك تحيرنى فعلا ....

وتجعلنى اتسائل متى استطيع الوصول لهذا المستوى .

اتمنى ان تستمر ابداعاتك حتى تكون لنا دروسا فى كيفية التعبير عن احساسنا بمنتهى الجمال والرقه والرومانسيه ..




* وردة*

[fagrmasr01]

استاذ .....جمال.
ابداعاتك تحيرنى فعلا ....
وتجعلنى اتسائل متى استطيع الوصول لهذا المستوى .
اتمنى ان تستمر ابداعاتك حتى تكون لنا دروسا فى كيفية التعبير عن احساسنا بمنتهى الجمال والرقه والرومانسيه ..

* وردة*

طبعا ياوردة الايمان انا اشكرك جزيل الشكر على تحليلك الجميل واشكرك جدا على مجاملاتك اللطيفة جدا

وانتى يا وردة المنتدى
اشعارك فيها الاجمل بصراحة ومش كلمات تشجيع .. اشعارك بتعجبنى جدا لرقة كلماتك ورومانسية تعبيراتك وقدرتك فى التعبير باوصاف حلوة اوى وفيها بلاغة واضحة وكل مرة باوضح سبب اعجابى بالمعانى اللى فعلا بتشدنى فى ابداعاتك

تقديرك له معنى خاص خصوصا انك ... وردة المنتدى وتستحقى فعلا لقب شاعرة المنتدى بحق ولست مجاملا فى هذين اللقبين فانتى تستحقيهم عن جدارة واستحقاق .. وأشعارك ومحبينك خير شاهد على صدق اللقبين وانهما ليسا من باب المجاملة ابدا

اكرر شكرى على انك بتشرفينى وبتسعدينى بتحليلك لكلماتى يا وردة
ربنا يبارك لك ويسعد قلبك
آمين