أنا مش محتاجة انى اقول انها رائعه مثل باقى اشعارك .
على فكرة
انت بتقدر تجسد الحزن والالم بطريقة جميلة جدا .
احيانا اكثر من تجسيدك للأفراح والاحزان .
بتقدر تستخدم كلماتك و تعبيراتك فى منتهى الجمال .
ولو اتكلمت عن كل جملة هلاقى فيها معانى كتيره وجميله
علشان كده انا هكتفى بوضع خطوط على اكتر هذه التعبيرات اللى شددنى بجد .
ياللى قتلت الحب ف عمرى * ليه تتركنى فى طريق ضياع
مش جاى اعاتبك متخافشى * انا جاى اقولك وانا بامشى
ان عشانك يا حبيب الروح * حاتهون عينى وفداك رمشى
دموعى سايلة .. على خدودى * وتنعى معايا .. وتبكى ورودى
واحكى لك .. ياحبيب أحلامى * ونبضة قلبى وعمرى شهودى
وداع يا حبيبى يا هنايا * يا سر ضحكتى وأسايا
يا فرحة عمرى وأيامى * هاتفضل ذكراك جوايا
انت طلبت وداعى وكان * زى ما حبى عندك هان
لازم قلبى انا أبعده عنك * ويكفينى ان قلبك خان
مع التحفظ على هذا اللفظ (ويكفينى ان قلبك خان )
هابكى عليك بدموع العين * لكن وعدى يا نور العين
لو يوم ترجع تانى لقلبى * مش راح تعرف سكتى فين
وفوق هناك عند النجوم * فى مكان ما كنا بنتقابل
بنيت هناك قبرى بايدى * ودفنت قلبى بلا مقابل
ومهما الروح هتنادى عليك * أوعينى وقلبى يحنوا اليك
مش راح تسمع نبضة قلبى * ولا روحى الهايمة حواليك
مش غلطان انا انا حبيتك * انت ناديتنى وانا لبيتك
قلبى عشقك وانت نسيت * ياريتنى عمرى ما حبيتك
ايوة باحبك مش هانساك * وانا عارف ان انا باهواك
لكن انت اللى طلبت وداعى * مش هارجع تانى اترجاك
اشكرك أستاذ جمال على تحفتك الفنيه ...
وياريت متحرمناش من كلامك ابدا ...
* وردة الايمان*
ياللى طلبت وداعى.. وداع
رد مع اقتباس
المشاركة الأصلية كتبت بواسطة خلـود
المفضلات