السلام عليكم و رحمة الله و بركاته

مش أول واحدة
كلمات : ماجد هشام

مش أول واحدة أحبها و ماطولهاش
مانا ياما اتمنيت حاجات و معيشتهاش
و أدينى نسيت
إحساس جميل بس عمره مابيطول
و يرجع قلبى يكتب تانى من الأول
خلاص مليت

كلام جواه قلبى صادق و مداريه .. عن أى حد ممكن يفرح فيا و فيه
و مش برتاح
بحزن لما بشوف الفرحة فى عيون الناس .. وقلبى عايش حياته من غير أساس
و كله جراح

مش هرجع تانى أفكر فـ اللى يتعبنى
واللى بيجرح فى قلبى كتير و بيعذبنى
مانا ياما قسيت
كتير بحاول أعيش الحياة بحلوها
لكن قلبى بيحلاله يعيشها بمرها
وانا استكفيت