حملة لتغيير تاريخ عيد محافظة 6 اكتوبر

[وليد عبد الحميد]

يا سكان مدينة 6 اكتوبر
و سكان محافظة 6 اكتوبر
كيف يكون عيد محافظة 6 اكتوبر يوم 31 مارس
افيدونا بتعليقاتكم

[fagrmasr01]

اول مرة اعرف ان عيد المحافظة يوم 3 مارس
المعروف ان 31 مارس هو عيد الجيزة القومى
ارجو التوضيح .. هل فعلا فيه قرار رسمى بيقول ان عيد المحافظة 31 مارس؟

[محمد المصري]

اللي أنا اعرفه أن العيد القومي لمدينة 6 أكتوبر هو 25 أكتوبر

لكن 31 مارس أول مرة اعرف دا

لكن إذا أردنا أن نحتفل بالمحافظة إما أن يكون 25 أكتوبر أو 6 أكتوبر

وأنا أفضل أن يكون العيد القومي للمحافظة 6 أكتوبر

حيث التسمية

[fagrmasr01]

مع شديد الاسف علمت انه تم إختيار ذلك اليوم لأنه يناسب ذكري مقاومة أهل البدرشين للاحتلال الإنجليزي في معركة الشوبك الشهيرة‏,‏ والبدرشين كانت مركزا تابعا للجيزة‏,‏ أما الآن فقد باتت البدرشين تابعة لمحافظة‏6‏ أكتوبر


لكن بمنتهى البساطة والوضوح فان الذكرى الاقوى والأكبر والأشهر هى انتصار حرب 6 اكتوبر وهو الاسم الرسمى للمحافظة ويستحق 6 اكتوبر ان يكون عيدا قوميا لمحافظة 6 اكتوبر

[alsalhy]

السلام عليكم ورحمة الله وبركاته
أخباركوا إيه يا جماعة يارب تكونوا بخير جميعاً
بالنسبة لموضوع العيد القومي أقول
هل هناك شيء لا يدعو للإستغراب في المدينة
حتي نتعجب ونستغرب من مثل هذا الأمر
كل شيء في المدينة يدعو للإستغراب
كانت مدينةوأصبحت محافظة ..... ولم يتغير شيء
العربيات هي هي وسواقين عربيات السجون دي بغباوتهم زي ما هما
وبكده سوء المواصلات لسة موجود
بيت العيلة نزل واتوزع علي الحبايب ومحدش عرف
موضوع إسكان أبناء الجيزة المقام علي أرض أكتوبر مخدوش حد فيه من أكتوبر خالص
موضوع إبني بيتك سايبين الناس الغلابة في إيد شوية مفترسين من العرب والمقاولين الفطاحلة
الحشايش كلها ناشفة والأشجار محدش بيراعيها والجناين بارت
سعر الأرض بيولع يوم بعد يوم ومحدش حاسس بالمواطن البسيط اللي بيجري علي أكل عيشه ومتغرب عشان يعيش
مش بس يوم العيد القومي للمحافظة اللي عاوز يتغير .......عشان يبقي 6 أكتوبر زي إسم المدينة وده الطبيعي والمنطقي فعلاً
لأ ............ فيه أوضاع كتيرة جداً عاوزة تتغير ولا حياة لمن تنادي