السلام عليكم و رحمة الله و بركاته


قريت انا موضوع نهى اللي هو الراجل اللي بيسمع كلام امه في كل حاجة

و ميقدرش يكسرلها كلمة
ابن امه بمعنى اصح

تيجي بقا عند راجل تاني

انا بشوفوه راجل بمعنى الكلمة
موش زي العيال الفافي

امه خارجة بليل استني اما اوصلك
لو موش هيقدر يروح معها متتأخريش عن الساعة كذا
حصلها تعب يجري بيها ع الدوكتور
يطمن عليها يسأل عليها دايما
يبقى في وقت من الاوقات الاب موش الابن
ايوا متستغربوش !!
انت اه كونت زمان صغير و الام سهرت و كبرت و علمت و شقيت عليك
بس انت موش هتفضل صغير
الاصول اما بتوصل سن معين و تبقى كبير.. شخصية عاقلة و ناضجة
انت اللي تبقى الراجل و الرجولة ديه موش مجرد كلمة
الرجولة فعل موقف
لو ابوك موش في البيت و انت الواد الكبير يبقى انت راجل البيت
و كلمتك اللي تمشي
و كلوه بالادب بالاحترام و الاصول طبعاً
موش بقلة الادب و الضرب و الأهانات

و هنا نيجي و نقف عند نقطة

لأن في ناس بتحسب الرجولة بأنه يعرف يشتم و يقول يا ابن كذا و ابن كذا
و بالضرب عشان ربنا اداله شوية صحة يفتري ع اخته و امه

انا مقولتش كدا طبعا
عايز تبقى راجل البيت بعد ابوك و يبقى ليك كلمتك فعلاً
اثبت ده
تثبته بأيه !!

قرب من كل اللي قي البيت قرب من والدك فرب من والدتك
قرب من اختك
حسسهم ان انت خلاص كبرت
و تقدر تتحمل المسئوليه

وقتها تقدر تقول انا راجل في البيت و في اي مكان
ما هو اللي ميعرفش يبقى راجل في بيته
متنتظريش منه انه يبقى راجل في اي مكان


لو حد معترض ع اللي قولته يرفع ايده:11nk(2):

اتمنى ان اكون تناولت الموضوع بصورة جيدة
تقييمكم للموضوع ان نال اعجابكو

انتظرو مني المزيد دايماً
كل الود و الاحترامً








منقول