نكت
- اتنين فى السوق ، زوجاتهم تاهوا منهم ، بيداوروا
عليهم ، واحد بيسأل التانى
(هى مراتك شكلها ايه ؟)
قاله: (مراتى بيضة ، وشعرها أصفر ، ولابسه بلوزة
قصيرة وشفافة ، وشورت جينز
ضيق) ،
وبعدين سأله
(وانت مراتك شكلها ايه؟)
قاله (سيبك منها ، تعال نداور على مراتك) .
2- واحد مراته ماتت.... سألوه :
(ندفن الجثة ولا نحرقها ؟)
قالهم (إحرقوها و بعدين إدفنوا الرماد ) .
3- واحد إتصل بمراته وقال لها
"أنا كسبت مليون دولار ، جهزى شنطتك بسرعة"
قالت له:" طيب اجيب معايا هدوم صيفى ولا شتوى؟"
قالها : " شيلى كل هدومك ،
المهم آجى مالاقيكيش في البيت"
4- مرة واحد هو وابنه ميعرفوش هو ايه الاسانسير ،
بس شايفين الحيطة
عمالة تتفتح وتتقفل ، وهما مش
فاهمين حاجة ....... المهم جت واحدة عجوزة داست
على الزرار اللى في الحيطة ، ودخلت
الاسانسير ، وبعد شوية الاسانسير نزل ، وطلعت منه
شابة جميلة ..... الراجل قال لابنه:
(روح هات مامتك هنا بسرعة) .
5- واحد غبي بيقول للصيدلي:
(إدينى حقنة من اللى بتاخدھا مراتى)
الصيدلى سأله: (اسمھا ايه؟)
قاله: (مديحة) .
6- واحد لاقى مراته بتخونه مع صاحبه ، جاب
المسدس وقتله، صرخت فيه وقالتله :
(اهى عصبيتك دى
هى اللى هتخسرك اصحابك كلهم) .
7- واحد وهو بيموت بص لمراته بصه كلها رومانسيه
وقالها:
(انا لما اترفدت كنتى معايا ، و لما تعبت وقفتى جنبى ،
ولما فلست برضوا كنتى معايا ، و دلوقتى لسا جنبى)
مسك ايديها بحنية جامدة وقالها :
(مش عارف ليه حاسس انك نحس) .
رد مع اقتباس.gif "50 (8)")
محدش قراها ليه ياخبر ابيض
المفضلات