اريد حلا

**nogafoda** · 22-02-2010, 10:24 PM

السلام عليكم ورحمه الله وبركاته
انا سعيده جدا بوجودي مع كل المجموعه الرائعه دي
انا عندي مشكله مع اولادي في الدراسه وخصوصا انهما في مدرسه لغات وفي الحقيقه ان المشكله ان انا مش قادره اذاكر لهم بالرغم اني تربويه واقدر اعلم اي حد غيرهم
لكن فشلت في السيطره عليهم تماما علما بانهم في kg1,prim1
وبصراحه اسعار المدرسيين هنا في اكتوبر فلكيه
يا ريت لو حد عنده حل ينصحني

**اميرة حبى انا** · 22-02-2010, 11:58 PM

والله يا نوجا المشكلة دى عندناكلنا
حاولى زى مابنحاول
عارفة اكتر حاجة انا غلطت فيها ايه
انى تركتهم يذاكرو بمفردهم فترة
ولا بيذاكرو ولا حاجة
وللاسف كمان فى حاجة مهمة خدى بالك منها
اللى بينسى المذاكرة
مبيعرفش يذاكر تانى
حاولى وربنا معاكى
ومعانا
وبعين اصبرى شوية على موضوع الدروس ده
مستعجلة ليه لسه الدروس جاية كتييييييير
نورتينا يا نوجا

**rose** · 23-02-2010, 09:01 AM

السلام عليكم ورحمة الله وبركاته

شوفى اجعلى وقت المذاكرة ده وقت ممتع للاولاد
حفظيهم الدرس بالاغانى كانها اغنية وتصفقى معاهم وتغنى كلمات الدرس او جدول الضرب مثلا

تقرايها الجملة اوالحرف الللى بتحفظيه 5مرات ثم يكتب 5مرات بطريقةالحفظ وهى الاغانى واجعليه وقت ممتع واللى هيحفظ كويس
لازم يكون معاكى اى شىء بحبوا علشان اللى هيحفظ كويس هياخد الحاجة اللى بيحبها وبعد القراءة 5مرات والكتابة 5مرات التسميع هيبقى فى منتهى السهولة
واجعليه وقت ممتع وجميل ولاحظى لنك لازم تحببيهم فى المذاكرة لان المشوار لسه طويل
وشكرا على ثقتك الغاليه