<div>








الله لو نرضى باللى جالنا واللى مقسوم لينا.....يا ترى انت راضى....؟؟؟


الله لو نرضى ومحدش فينا يخاصم حد

يزعل حد او يفارق حد

الله لو نرضى وان ضاقت بينا نحن لبعض

نحس ببعض آه نخاف على بعض

الله لو نرضى ومحدش فينا يخاصم حد يزعل حد

ترتاح قلوبنا ويهون عذابنا الخوف

يسيبنا

 نرضى بنصيبنا

ونخاف على بعض
 الله لو نرضى باللى جالنا واللى مقسوم

لينا الله لو نرضى باللى

عدى واللى جاى علينا

 الله لو نرضى من قلوبنا الله يرضى علينا




القناعة كنز لا يفنى.........

 كتيير اووى بنسمع الحكمة دى..

 بصراحة دة سر السعادة....



للاسف المشاكل الى بنواجهها الوقتى

 هتلاقى اساس المشكلة

 عدم الرضا

 كتير بستغرب ان اخ يخاصم اخوه علشان حتة ارض او ورث

 بس فى الحقيقة دة السبب.....للاسف

 بقى كتير مننا كا همهم الفلوس والكرسى والجاه....

 علشان كدة بيبقى مستعد يعمل اى حاجة علشان يوصل للى هو عاوزه

 حتى لو ادى دة ....لقطع صلة الرحم....

 هو مش الدنيا فانية..؟؟

 طب ليه بتجرى ورى الفلوس جرى الوحوش

 دة ربنا بيقولك

 ' وَمَا مِنْ دَابَّةٍ فِي الأَرْضِ إِلا عَلَى اللَّهِ رِزْقُهَا (6) '

يبقى مش هيرزقك؟؟؟



عارف لما نبص على اللى فى ايد غيرنا

هنفتح على نفسنا ابواب احنا فى غنى عنها

اولها

باب الحسد والحسد بياكل الحسنات زى ما بتاكل النار الحطب كدة

وثانيها باب الغيرة

شوفتوا الناس الى عايشة ....جتنا نيلة فى حظنا

شوفت الواد ميدو جاب عربية اخر موديل...انا عاوز واحدة يا بابا

 ولا البت جيجى جابت موبايل ب3 كاميرات و4 خطوط ...عقبالى كدة لما اجيب ابو 5 خطوط




انت عارف العلماء عرفوا الايمان بايه؟؟

الخوف من الجليل .. والرضا بالقليل .. والعمل بالتنزيل .. والإستعداد ليوم الرحيل

فعلا لما هترضى هتؤمن بيه.....وانت مغمض

 وعلشان مش خايفين منه مش هنرضى باللى كتبه ليك.....

 سيــــــــب نفسك لربنا.....محدش بيموت من الجوع

 لا فى يا اخى....

 فلنفرض

دة ربنا خلقك وهو ارحم بيك من امك....يعنى عارف فين مصلحتك

سيدنا على كرم الله وجهه قال

(علمت أن رزقي لن يأخذه غيري فإطمئن قلبي )

محش هياخده غيرك

 دة ربنا كتبه ليك من وانت جنين.....مش بقولك سيب نفسك للى خلقك

 اهدى يا نفسى بقى رزقى ليا ومحدش هياخده

 مش هزعل علشان مخلفتش ولم اتزوج لسه

 مش هضايق علشان خسرت فلوسى ما يمكن دة تطهير ليا

 مش هبص للى فى ايد غيرى

 ((ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسالوا الله من فضله ان الله كان بكل شيء عليما))




طب سؤال كدة

انت ايه عرفك ان اللى غنى دة مبسوط؟؟؟

مش جايز يكون دى نقمة عليه؟؟

مش كل غنى مبسوط...الغنى هى القناعة


وعلشان ربنا رحيم

( ما اخذ منك إلا ليعطيك وما اعطاك إلا ليأخذ منك )

يااااااااااااااااه فعلا

ياااه لو فكرنا بالطريقة دى

 هتفرق معاك كتيير

يا ترى انت فعلا راضى؟؟








فى امان الله









منقول