مطار السعادة فى 6اكتوبر

[rose]

بسم الله الرحمن الرحيم

السلام عليكم ورحمة الله وبركاته


يازائر (حملة السعاده فى فى منتدى 6اكتوبر)
..هل.. تعرف.. من.. نحن





هنا في مطار (منتدى مدينة 6اكتوبر) تحط الطائرات يومياً محملة بأخوات جدد فنقف جميعاً لنستقبلهم في ( قاعة الترحيب بالضيوف ) بفرح وسرور





ثم نمسك بيدهم ونخرج معهم من ( قاعة الترحيب ) متجهين إلي ذلك المرسى
فنستقل القوارب ونبحر سوياً في بحر (حملة السعاده)
بقلوب مملوءة بالحب وبالأخوة الصادقة
والإبداع في (حملة السعده) يهطل غزيراً كالأمطار ليسقي أرض جميع الأقسام
وإن تعبنا .. نذهب سريعاً لمنتجع الراحة والأستجمام
نلعب ونلهو بأجمل السوالف والنكت والمسابقات ...
فـ هذه المساحة مخصصة للجميع من الصغير إلي الكبير
نتبادل فيها الأبتسامات والضحكات وأجمل التعليقات والنكت
وبعد الأسترخاء والراحة نخرج من هذه الواحة
فـ ماذا نـرى .. ؟
قلوب كـ الشموع تحترق من أجل إسعادنا وخدمتنا ..

[rose]

وبعد الأسترخاء والراحة نخرج من هذه الواحة

فماذا نرى؟
( شعلة من النشاط والحماس )

إن نزلت قليلاً سترى تنسيق وترتيب والوان تسر وتبهج

فهل تعلم من وراء كل ذلك؟؟؟

أنهم أناس سخروا أنفسهم لخدمتنا ببناء..شبكة حياة..
ليكون بيتاً ثاني لنا

ومن ثم وضعوا كل مانريده بين أيدينا ..

أنهم قلوب كالشموع تحترق من أجل إسعادنا وخدمتنا



هؤلاء هم أفراد أسرتنا .. وهذه هي حديقتنا

أشجارها وأزهارها مختلفة لكنها جميلة .. كأفرادها جنسياتهم مختلفة لكن قلوبهم صافية

فإن كان هناك من يريد أن يجتمع معنا في حديقتنا

[rose]

الثوابت اليومية
وبعدها باذن الله اقري
الجدول المقترح للاسبوع ويبدأ باذن الله من يوم السبت

* * باذن الله يوم الخميس في نهاية الاسبوع هاننتظر الاخوات الي نجحو في تنفيذ الجدول بنسبة 80% على الاقل ونقولهم بارك الله فيكم ونحتفل بنجاحهم ويستحقو مكافأة مميزة من جدول المكافآت والي كانو كسلانين او مقصرين وطبعا ماعندهمش اسباب منعتهم يحرمو نفسهم من دخول فتكات لمدة 3 ايام وطبعا هاتكون مش لطيفة خالص في حقهم

* * الجدول هايكون في صورة عامة وكل اخت حبيبة على حسب ظروفها تفصل الجدول وتحاول تقسم المهام اليومية على حسب مهم وعاجل ومهم وغير عاجل الفكرة الجميلة لاختنا اغار ع ديني

في ثوابت يومية مافيهاش تهاون .......

الاستيقاظ بدري
الهدف هو الاستيقاظ مع الفجر
والي صعب عليهم المواصلة من الفجر تصلي الفجر وتاخد فترة نوم لكن الشرط انها تتبدي يومها بدري ممنوع تماما التأخر في الاستيقاظ
الي معاهم بيبي صغير وطبعا مواعيدهم ملخبطة جدا يحاولو على الاقل 3 ايام في الاسبوع يلتزمو انهم يصحو بدري
وطبعا النوم بدري في اخوات عندهم القدرة على السهر ويقدرو يصحو بدري ممتاز مافيش مشكلة لكن يستغلو السهر في حاجات مفيدة بردو

ممنوع منع بات تضييع الوقت
مافيش حاجة اسمها وقت ضايع بدون هدف ممنوع منع بات ...... حاولي كل وقت تستفيدي منه حتى وجودك على النت يكون بنية الخير وهدف ارضاء الله حتى التلفزيون يكون بنية ترضي الله حتى النوم نفس الشئ نية تجديد النشاط للعمل القادم
التليفونات الطويييييلة بدون فايدة ممنوووووووووووووع اكتر حاجة بتسرق الوقت بدون مانشعر

اختصري الوقت الضايع على أد ما تقدري
حاولي تشتري اي جهاز يختصر لك شغل البيت أو الوقت الطوييييييييل الي بيضيع في المطبخ ياريت يكون في تجهيز مسبق باستمرار ممنوع تضييع الوقت الطويل في المطبخ يعني ايه المنطق اني اقضي في المطبخ 4 ساعات في عمل اكلة هاتتاكل في 10 دقايق ممكن مرة او مرتين في الاسبوع لكن كل يوم خسارة اوي الوقت الغالي ده

دايما سياسة 2× 1 يعني ايه ؟؟؟؟؟؟؟؟؟؟
اسمع قرآن أو دروس وانا على النت او وقت الاعمال الروتينية غسيل المواعين او تنظيف البيت

ثوابت اساسية يومية

الصلاة على وقتها
متى سمعتي النداء لبي ( اتركي اي شئ في ايدك مهما يكون وبسرعة ع الصلاة )

اذكار الصباح والمساء
ورد القرآن
حتى لو نصف صفحة في اليوم
ورد الحفظ الجديد حتى لو كان سطر واحد من المصحف او حتى مراجعة سور محفوظة لكن اتنست لعدم المراجعة
ورد استغفار
وصلاة على النبي عليه افضل الصلاة والسلام وتسبيح على الاقل 100 من كل واحدة

ورد دعاااااااااء
أحدد كل دعواتي واكتبها واركز الدعوات المهمة واتحرى اوقات الاجابة

صدقة يومية
وان مافيش اي امكانية اعرفي ان الكلمة الطيبة صدقة اشتري الحصالة بسرعة ولو حتى قروش قليلة هي عند الله كثيرة

صلة الرحم
والبر بالأباء والابناء

قيام ليل
على الاقل ركعتين ويفضل قبل الفجر والي صعب عليها
يكون قبل النوم

الصيام

اتنين وخميس والايام البيض
ولو صعب الصيام
على الاقل الايام البيض
او حتى يوم واحد في الشهر

جلسة الاسترخاء
وتخيل تحقيق الاهداف مرتين يوميا

ورد المحاسبة قبل النوم
وهاتحددي فيه انتي حققتي اد ايه من الهدف وتقيمي نفسك بدرجة من مية يعني مثلا انجازاتي كانت ممتازة وحققت معظم الهدف استحق 90%
قصرت وتكاسلت وده مش هايحصل باذن الله
تاخدي درجة قليلة

كتابة المهام
الخاصة باليوم التالي كل ليلة قبل النوم

برنامج الاهتمام بالنظافة الشخصية والجمال يومي

برنامج الاهتمام بالاولاد يومي

تسألي جوزك السؤال الخطير ده كل ليلة قبل ما ينام

حبيبي انت راضي عني ؟؟؟؟؟؟؟؟؟؟؟؟

تجديد النية
باستمراااااااار

5 دقايق فرفشة وتفاريح
لنفسك عشان تقدري تواصلي وفيها تشربي مشروبك المفضل وتدلعي نفسك

النوم على وضوء واذكار النوم

نضافة المطبخ والحمام
يومي

دي الثوابت ياترى انا نسيت حاااااااااااااجة ؟؟؟؟؟؟؟؟؟؟؟؟؟؟؟؟؟

هاكتب بقى جدول وانزله حالا وكل اخت يناسبها وتحب تمشي عليه تتوكل على الله تحب تغيره ممتاز
المهم اننا متفقين في الثوابت اليومية

اللهم اميييييييييييييييييييييييييييييييين

[rose]

اهلا وسهلا بكل الاخوات الي عاوزين يشتركو في حملتنا

اتفضلو يا اخواتنا من غير استئذان

البيت بيتكم
والحملة دي ملك عام للجميع
اعتبري انك جزء منها وشاركي في نجاحها
ورحبي بكل اخت جديدة وخليها تيجي معانا للنجاح

ويالا التزمو بالبرنامج العملي اليومي

وهانتجمع باذن الله كلنا ونتفق على التفاصيل اختارو يوم يا قمرات

انا مبدئيا بدأت تنفيذ البرنامج من النهاردة

ومش عاوزة اقولكم على طعم وحلاوة النجاح والانجاز

وطبعا وجودي هنا دلوقتي دي مكفأة انا اخترتها من دفتر المكافآت

لاني الحمد لله عملت الواجب الصباحي والتزمت بنسبة 90%

بفضل الله

يالا يا قمرات

كله يبتدي

البداية نصف النجاح

احبكم
احبكم
احبكم

في الله

حياتي كلها لله
عشان الجنة كله
يهوووووووووووووووووووون





كل الاخوات القمرات الجداد معانا

يالا هاتو ايديكم في ايدينا عشان ننجح ونتميز سوا

باذن الله هتلاقو كل الافكار الي تساعدكم على النجاح

وكل التجارب الي تختصر الوقت وتريحكم

والتشجيع المستمر

وباذن الله كل الي عاوز توقيع تقول تحب تكتب فيه ايه وبشمهندسة حملة النجاح ريما هاتنفذهولها

يالا جهزو الدفاتر التلاتة بسرعة يا قمرات

واكتبو اهدافكم


ممنوووووووووووووع
اليأس
الاحباط
الشعور بالفشل
الكسل
عدم التنفيذ
السلبية




في واجب عملي مطلوب من الجميع

تحاولي تنشري الحملة وتنقلي الرابط لكل الي تعرفيهم

وطبعا عندنا نية اساسية

اننا بندعو للخير

وان شاء الله الدال على الخير كفاعله

ياتري هاتكون سبب في ان كام اخت تنجح وتتميز في حياتها وباذن الله تدخل الجنة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



للاخوات الي هايشاركو معانا في برنامج الرشاقة


يتابعو البرنامج الي في اول صفحة ويبتدو التنفيذ
وباذن الله هايكون ي ميعاد ثابت هانرتبه ونبعت لكل اخت تحب تشترك على
الخاص

ونفس الشيئ للاخوات الي هايشتركوا في فريق قلبظ
عشان يتختخو شوية





اخواتي انا بنفذ فكرة وماشاء الله شايفة ليها نتيجة رائعة معايا

بفضل الله كل انجاز بقدر انفذه من برنامجنا بكافئ نفسي اني ادخل هنا الحملة الجميلة دي

ولاني بحبكم موووووووووت وباشتاق لكم جدا

بفضل الله بعمل انجازات كتييييييييييير عشان اجي بسرعة واشوفكم

حبيت اقولها لكم لو حد حب ينفذها

احبكم في الله
حياتي كلها لله
عشان الجنة كله
يهوووووووووووووووووون





اخواتي وحبيباتي




عاوزين نضيف للثوابت اليومية بتاعتنا دعاء لكل اخواتنا الي معانا في الحملة



الي عندها كرب ربنا يفرجه

ودعاء للبنات القمرات الي معانا بالزوج الصالح التقي ولكل بنات المسلمين

ودعاء لكل صاحبة حاجة ربنا يعطيها حاجتها ويعجل لها بيها


ليه ؟؟؟؟؟؟؟؟؟؟؟؟؟؟

لاننا كلنا قلب واحد وسعادة اي اخت سعادة لينا كلنا
ولان الدعاء بظاهر الغيب مجاب باذن الله
وكمان الملك هيقول باذن الله ولك بمثل



احبكم في الله





اخواتي فرصة واحنا موجودين مع بعض نتفق على حاجات اساسية نعملها كل يوم باذن الله

موافقين يا قمرااااااااااااااااات ؟؟؟؟؟؟؟؟؟؟؟


اول واجب

اننا باذن الله قبل النوم نحدد كل الاشياء المطلوب مننا عملها تاني يوم
ونحاول نكون محددين ومنظمين في كتابة مهام اليوم التاني
بمعني ان المهام تكون عملية يعني نقدر ننفذها
وكمان فيها فكرة التحسن المستمر
يعني كل يوم تضيفي شئ جديد لمهامك
والقلم والكتابة شرط اساسي
مين هاتكتب المهام النهاردة ؟؟؟؟؟؟؟
تعرفو مين ؟؟؟؟؟؟
كلكم باذن الله

الواجب التاني يا قمراااااااااااات


عيشي اللحظة

تخيلي دايما ان دي اخر لحظة ليكي في الدنيا عاوزاها تكون ازاي ؟؟؟؟؟؟؟؟؟؟؟

تكون سعيدة
وتكون فيها عمل
ويكون فيها قرب من ربنا
واكون فيها من غير ذنب يعني اتوب باستمرار وبسرعة
وكمان استمتع بكل حاجة بعملها مهما كانت صغيرة


يبقى هناخد قرار اننا نعيش كل لحظة في حياتنا ونستمتع بيها ونكون فيها قريبين من ربنا وحاسين انه سبحانه وتعالى رقيب علينا عشان كدة عاوزين ربنا يشوفنا واحنا في احسن حالة


الواجب التالت يا قمرااااااااااااااات

اتعلمي سياسة كما لو

يعني ايه ؟؟؟؟؟؟؟؟؟؟؟؟؟

باختصار انك تكوني ممثلة

ازاي ؟؟؟؟؟؟؟؟؟؟؟؟؟؟؟؟؟


لو انسان يفتقد الشجاعة لو مثل انه شجاع وصدق نفسه هايبقى شجاع فعلا

لو انسان يفتقد الثقة بالنفس ومثل انه واثق جدا من نفسه هايبقى اكتر شخص واثق في نفسه

لو انسان يفتقد السعادة ومثل انه سعيد هايمتلك السعادة بسهولة

لو انسان يفتقد النشاط ويشعر دائما بالكسل لو مثل انه نشيط هايبقى نشيط جدا


تعرفي تمثلي وتستمعي بكل الي تتمنيه لشخصيتك ؟؟؟؟؟؟؟؟؟؟؟؟
يالا نجرب وهاننجح باذن الله

الواجب الراااااااااااااااابع والاخير


النجاح الحقيقي ليس ان يعمل الانسان ما يحب ولكن ان يحب ما يعمل

تعالو يا اخواتي نحب كل عمل مطلوب مننا حتى لو كان ممل جدا او روتيني او حتى صعب
وشوفو بعدها كل حاجة هاتبقى سهلة ازاي

يعني ام زيي بتعاني مع ابنها في تحفيظه كلمات الانجليزية الي عليه واجب
تغير نظرتها لعملها ده وتاخده اكنه لعبة بينها وبين ابنها وتضحك معاه وتحفظه باللعب والرسم وباذن الله تتحقق النتيجة المطلوبة الولد يحفظ وهي تحافظ على اعصابها الي كانت بتتعب جدا لان ابنها بيعشق اللعب

يالا نجرب الطريقة دي

وتكون دي طريقتنا الجديدة في تنفيذ كل المهام الي علينا وبدون تعب

[محمد المصري]

ثم نمسك بيدهم ونخرج معهم من ( قاعة الترحيب ) متجهين إلي ذلك المرسى
فنستقل القوارب ونبحر سوياً في بحر (حملة السعاده)
بقلوب مملوءة بالحب وبالأخوة الصادقة
والإبداع في (حملة السعده) يهطل غزيراً كالأمطار ليسقي أرض جميع الأقسام

موضوعك جميل ياروز

فعلا

نحتاج الى المزيد من هذة المواضيع الرائعة