♥♥ إحســــــاســــ .........♥♥

[الشاعره الثائره]

*احساس مخيف لما تلاقى أقرب الناس بتموت

احساس مخيف لما تتدمر الذكريات وتفوت
احساس مخيف لما تصحى تلاقى نفسك حد تانى
فى زمن تانى........وتصرخ تقول لا مش مكانى

احساس فظيع لما تلاقى حياتك كلها دموع
ولما تلاقى ألمك لكل الناس مسموع
ولما يبيعك اقرب الناس ويقولك انسى الرجوع

احساس غريب لما تلاقى نفسك كل يوم بتتألم
وبرغم كل العذاب أنت ساكت مش بتتكلم
بتقول معلش هفضل ثابت ومصمم
وفى النهايه تخرج ضعيف...حتى ياريتك بتتعلم

احساس مميت لما متلاقيش الرغيف
لما تمد أيديك ومتلاقيش ولا كف يضيف
وف النهايه تموت مجرد أنسان ضعيف

حياتنا مليانة احساس
فى كل وقت مادام فى ناس
بس ياترى هنعيش كده وخلاص
ولا هنكمل حياتنا لأن لازم نحط الأساس

واااه بعد ما تتعب وحد يدمر حياتك قدام عنيك
واه لما متلاقيش أيد حنينه تطبطب عليك
وااه بعد ده كله لما تموت وأنت حاسس أن فى ذنب عليك!!!!!!!!

احساس غريب
احساس مريب.......
لما تعيش ف الدنيا زى الغريب!!!!!!!!!

احساس

[AFIFI MOSTAFA]

طبعا اكتر من رائعة وممتازة انا فى حاجة جدا محيرانى واظن برضة اخويا فريد محتار واكيد المنتدى كله محتار ( ممكن يكون الكلام الكبير والرائع والمنمق دا من فتاه عندها 16 سنة؟ )

[nogafoda]

والله يا استاذ عفيفي عمرك اطول من عمري
انا كمان بقول كده
بس يمكن شاعرتنا الهمامه مختصره 20او25 سنه من حياتها
كعاده الستات ىيعني
ولا ايه رايكم

[خلود]

جميله اوى كلماتك ياشاعرتنا الجميله

وياجماعه 16 او 20 مش مهم المهم نستمتع بكلمات رائعه واسلوب فى منتهى الرقه

تسلموا على المرور والتواجد الجميل

[فريد]

صحيح الكلام رائع و كبير
ولا يصدر الا عن عقل خطير
لكن ايه المانه يكون السن صغير
الكتابة موهبة زى اى حاجة
و ربنا يسترها عليها من عنينا
قاعدين نقر عليها
من يوم ماجت
هههههههههههههههه