تقرر زيارتي للقاهره - من المسئوووووووول
أولا: الحمد لله أنا سعيد جدا إني أنهيت عملي إللي عطلني عنكم شويه
وبعدين نزلت مصر يومين تقريبا ورجعت هنا تاني بسرررررررررررررررعة أو المختصر المفيد جري
أحب أشكر كل الناس اللي افادوني سابقا لما سألت في موضوع أترك العمل - وقالو ليا لا تترك أو انزل شوف مصر وبعدين قرر
طبعا كان اصح وضع ( والقرار الحمد لله أعتبره موفق بعدم النزول )
نبدأ بقى الموضوع :
انا نزلت يوم الثلاثاء على الدرجة الاولي الطيران السعودي ياريت تتحملوني شويه علشان لازم احكي بالتفصيل ، وانتو هتشفول الفرق .
يوم السفر من الرياض
1- تم الاتصال بي من الرياض - تأكيد موعد الطائره - ودا عادي حقيقي ديما بيحصل لما تكون حاجز أولي أو معك فرسان فضي أو دهبي - أنا الحمد لله دهبي
2- تناول الاتصال الموعد المتوقع لقلاع الطائرة وإن كان لك أي رغبة في وجبات خاصة أو لا .
3- عند الوصول للمطار يوجد مكان مخصص للدرجة الاولي مع رجال الاعمال ومع أصحاب الفرسان , توجهت للمكان المخصص وأنهت الاجراءات في 5 دقائق بدون مبالغة يمكن أقل .
4- سمعت (سمعت ) دخول وقت صلاة المغرب - توجهت لأداء الصلاه وثم توجهت للطائره .
دا الوضع الطبيعي - وتحس لما تقرأ الكلام دا - هو سعد دا بيحكي الكلام دا ليه دا كلام عادي ايوه طيب خلينا نشوف نزول الطائرة ودخول مصر
وصلنا القاهره ونزلنا لدخول الجوازات .
المنظر الاول - لا يوجد أحد في أماكن الجوزات لإنهاء الاجراءات - وقعدو ينادو على بعض كأنك في سوق بلدي أو في سوق الخضار بلا مبالغة - والله قعدت أضحك وأقول خلاص فوق إنت في مصر .
المنظر التاني - السادة الافاضل اللي على المكاتب رتب ( رتب عالية ) ليه - كل الوظيفة تحتاج الى موظف عادي وفي كل أنحاء العالم نحن الدولة الوحيدة التي تضع رتب في ختم الجواز .
وبعدين بيبص لك بنظرة غريبه - وكأنك متهم أو في بينك وبينه تار - لدرجة إني وقفت قدامة هو بيدخن بس - بس بيدخن وانا واقف - بقولة في حاجة - قالي ايه مالك خير جاي متلكك علينا علية
ما إحنا شغالين ولا لازم نقوم نجري نشيلك الشنط . ( بنفس الشكل بدون أي مقدمات ) ، قولته له لاء عادي بس الطبيعي إن الواحد لو عندك إحتياك إنك توقفة ماشي
لكن أنت بتشرب سجاير بس - قالي لاء ياسيدي - انت بتسافر الدول دي كلها بتعمل فيها ايه
قولتله انا مدير مالي بشركة ودا طبيعي - يقولي تعرف بقى أنا ممكن دلوقتي اخليك هنا ساعتين تلاتة اربعة زي ما احب - بس انا همشيك جدعنه - القانون يعطيني الحق أعمل فيك اللي انا عايزه
طبعا بصراحة انا خفت وقولت سيبك خلينا نخلص من الموقف دا فرديت وقلتله شكرا
المنظر التالت - خرجت اخد الشنط طبعا اللي المفروض يجيب الشنط على السير بيعطل السير علشان الناس تعطية الورق وهو يجيبها وياخد اللي هو عايزه - واهوعي ترفض احسنلك .
المنظر الرابع - الخروج من الباب - طبعا الكلام ديما حمدلله على السلامة ياباشا وماسك الجواز لحد ما تطلع طلعت يؤلك اتفضل اخرج - ما طلعتش المعلوم يقولك برده اتفضل اتفتش - كده نظام محترم
المنظر الخامس - تخرج للشارع تلاقي نفسك قدام باص ومعاك الشنط ومطلوب انك تركب انت بمعرفتك أو تدفع للعاملين بسخاء علشان يرمو لك الشنط في الباص - وشرحة طبعا تحت عند نزول الباص .
بقولكم كفاية كده النهاردة وياريت اسمع ردودكم لحد ما اكتب لكم الباقي
رد مع اقتباس
[/SIGPIC]
المفضلات