أنبوبة البوتجاز

[nasr]

أحكي علي مصـــــر التاريخ واســـرد بكل إيجاز

آثارنا تشـــهد لها بالحضـــارة والعزة والإعجاز

عصر الســــادات إنتهي .. نال الشــــــهادة وفاز

عاش الفسـاد بعد منه ســنين واضح بدون ألغاز

شــايفه علي الشـاشـات والإيميلات في كل جهاز

لحن الكآبه يوماتي بيتعزف ســامعه وكله نشـاز

شـــايله مراكب الذل زادنا للأعداء في كل بوغاز

راجعه بألوان الســـموم والهم ناويلنا ع الإجهاز

عيني عليكي يا مصــر يا منوره الراديو والتلفاز

عشــنا وشـفناكي عاجزة توفري أنبوبة البوتجاز

[fagrmasr01]

الله الله الله
الله ينور عليك يا صديقى الغالى .. فعلا ابدعت فى وصف الحالة اللى وصلنا لها بطريقة جميلة اوى ولذيذة
وعرفت تحكى لنا الحكاية باسلوبك الشاعرى الرائع .. ووصلتنا من البداية للحقيقة باسترسال السهل الممتنع فعلا ... .. ومن سطر لسطر .. ومن كلمة لكلمة .. وفى تلقائية رائعة .. حكيت لنا فزورة انبوبة البوتاجاز .. مع ربط جميل وتسلسل سلس جدا وبموسيقى شاعرية خالية من التعقيدات النحوية .. وعملت اسقاط اكثر من رائع على أصل الحدوتة.. تصديرنا للعدو .. ما نحتاج اليه وما نعجز عن توفيره لشعبنا .. من منتجات الغاز

بصراحة .. عاجبانى اووووووى يا نصر
الله يبارك لك ويوفقك دايما فى كل اعمالك
اتمنى ان تشترك بها فى مسابقة قسم الابداع
ياريت تحط لنا الرابط بتاعها فى صفحة المسابقة
نصر.. تسلم ايدك ويسلم فكرك ويسلم ابداعك
واتمنى اشوف منك كل يوم جديد وتسعدنى بابداعاتك الجميلة دايما وانت بخير وبصحة وسعادة
آمين

[خلود]

عشــنا وشـفناكي عاجزة توفري أنبوبة البوتجاز
جميله اوى يانصر ورائعه كمان بس ده كده مش كويس فى حق وزاره التموين خالص
هبلغ عنك يانصر اصلى بصراحه نفسى افرح فيك كده

[مصطفى مامون]

فعلا الحاجه ام الاختراع وقفتك فى طابور مخزن الانابيب من الفجر لحد الساعه 2وتتخانق مع الخلق عشان انبوبه خلتك تبدع وتبتكر كل ده عشان تعرف قيمة البلد كويس علمتك الصبر فابدعت
بجد يانصر انت مبدع تسلم ايدك لمست مشكله
بموسيقى متعودين عليها منك دايما

[nasr]

[quote=خلـود;53102]عشــنا وشـفناكي عاجزة توفري أنبوبة البوتجاز
جميله اوى يانصر ورائعه كمان بس ده كده مش كويس فى حق وزاره التموين خالص
هبلغ عنك يانصر اصلى بصراحه نفسى افرح فيك كده

شكرا" لمرورك الكريم