بحبك ليه

اللى يحب مصر يزرع فيها ورده

اتمنيت ارضيك.. وماتطلبش واقولك لاء..
وارتاح لما اديك.. لك فى حياتى كل الحق..
وجودك جنبى يسعدنى..
يطمن قلبى وياخدنى..
لدنيا لينا انا وانت..
مافيش حوالينا إلا انت..
واقولك ع اللى حسيت بيه..
وقربك دا بيعمل ايه..
ووحدك انت فسرنى..
ماتحترش وتسألنى..
بحبك ليه..

بحب عينيك..وكل مافيك..
واحب الدنيا من حواليك..
وكل طريق ياخدنى اليك..
وكل غرام شويه عليك..
لاح يكفى ولا يوّفيك..
ووحدك انت فسرنى..
ماتحترش وتسألنى..
بحبك ليه..

وليه احكى واقولهالك..
وهيه ف كل شىء فيا..
وليه تسمعها بودانك..
وهيه ف روحى وعينيه..
ح اقولك كلمه لو تتحس..
تكون جنه ونهر و قصر..
وكل الدنيا تسمعها..
ماتبقاش جوه ودنك بس..
ووحدك انت فسرنى..
ماتحترش وتسألنى..
بحبك ليه..

عشان يمكن ماليش غيرك..
عشان بحتاج لتأثيرك..
عشان بفرح بتفسيرك..
ومالك قلبى تعبيرك..
مابعرفش بحبك ليه..
لو اعرف كنت ح انكر ليه..
مالوش ف حياتى اى حدود..
كفايه احس بيه موجود..
يهنينى..لحد مااموت..
ووحدك انت فسرنى..
ماتحترش وتسألنى..
بحبك ليه






منقول