السلام عليكم

في سؤال بنتسأله كتير اووي من و انت كنت عيل في اللفه

نفسك تبقى ايه يا حبيبي

تكبر و تكبر

و تتسأل سؤال تاني

ايه امنيتك

بتحلم بأيه

في شخصيات طموحة جداً ...وفي اللي بيرضى بأقل شئ

في امنيته الوحيدة راحة البال

ممكن تبقى امنيتك انك تتجوزي ...انك تخلفي

في اللي امنيته حياة كريمة و زوجة صالحة

في اللي نفسه يلف العالم و ينبسط

في اللي امنيته يحب و يتحب

في واحد نفسه يلقي الظلم غاب

كل واحد فينا ليه تطلعاته وافكاره

وبتختلف من تربية لتربية

يعن تربية البنت بتختلف عن تربية الولد

بردوه الاختلافات الاجتماعية بيكون ليها اثر

دلوقت جينا لوقت الاسئلة بعد المقدمة الطويلة اووي ديه

امنيتك ايه حلمك الحقيقي ؟؟

طب لو انت كونت عايش في قصر كان ده بردوه هيبقى حلمك ؟؟
قصدي ان فعلاً المكان اللي احنا بنعيش فيه و البيئة اللي بنعيش فيها بيكون ليها اثر كبير فينا و لا لأ ؟؟

ان كانت اجابتك اه يبقى انت ملكش الحق انك تحاكم الغني و تقولو انت صايع و فاشل و بتاع بنات ليه !!!وبردوه ملكش الحق انك تقول للبسيط اللي ع اد حالاته انت ليه تفكيرك راجعي عيش يا جدع !!

طب انت عملت ايه عشان تحقق حلمك ؟؟ و لا هو هينزلك من السما من غير ما تسعى لتحقيقه ؟؟

شايف نفسك تقدر تحقق احلامك ؟؟

هل من السهل التنازل عن حلمك ؟؟

بقلمي






منقول