السلام عليكم
انا تعبان جداً

الف سلامة عليك يا محمود

انا مخنوق اووووي

يا ابني ما تعملش في نفسك كده

انا زهقان من الدنيا و اللي فيها

يا جدع هو انت لسه عشت حاجة

انا عمي اتوفى

الله يرحمه و يدخله جناته

انا حبيبتي باعتني

كل شئ قسمة و نصيب

انا خسرت شغلي

يا ابني ارضى بالأمر الواقع

و مسيرك تلقي اللي احسن منه


حد طبعاً يسألني ليه الامثلة ديه كلها !!!

عايز اقولك ان كلامك لا بيودي و لا يجيب

عمي مات الله يرحمه!!!!

كلمة هينة اووووووووي الكل بيقولها بس انت حسيت انا محروق اد ايه

احكيلكم موقف صغير و بيتكرر كتير

قاعد مره م واحد يقال انه صاحبي

المهم جاله اتصال ازييك يا حبيبي و عامل ايه و محدش بيسمع صوتك و الكلام بتاع الضحك ع الدؤون ده
و بينك و بينه ممكن يغلط في اجداده

الواحد بقى من الصعب يصدق الكلام اللي بيتقاله

بيحس انه مجرد كلام في الهوى

انت تعبان الف سلامة عليك!!!

يا ترى فعلا بتقولها من قلبك

و لا مجرد شفقة

و لا انت في بالك بتقول ما احنا كلنا تعبانيين

للأسف الضمير غاب عند ناس كتير

بقيت ما تعرفش الكداب من الصادق

في ناس مبدعين لأقصى درجة في الخداع و النفاق و الكدب
بقلمي






منقول