طوال اسبوع مضي وأنا أرى عجب العجاب فيكى يامصر
أخبار ماأنزل الله بها من سلطان وأحداث أغرب من الخيال

واضرابات فى كل قطاعات الدوله ! وفى كل مكان بها؛

الأطباء يسكتوا

يطلعوا المعلمين!!!! المعلمين يهدوا يطلعولنا سائقى النقل العام!

نطفى هنا تولع هناك.........

وبعدين أليس فى هذه البلد حكماء يرحمونا من اللى بيحصل ده؟

هى الحكومه الرشيده دى مش حكومة ثورة؟

يعنى جايه للتغير والمفروض للأفضل

أى نعم مش فى يوم وليله....

بس اوعدوا الناس ان مشاكلهم هاتتحل أو فى طريقها للحل اسمعوا لهم

يادكتور \عصام ...انسف كل مساويء العهد البائد وخليك ثورى فى قراراتك

مشكله المعلمين مر عليها إسبوع وكما قال وزير التعليم ممكن تتحل بنص مليار جنيه

وعندك مجموعة مستشارين فى خمس وزارات فقط بتهلف فى الشهر فوق ال22 مليار

وماخفى كان أعظم......! المهم ان الحل سهل خد من هؤلاء واعطى هؤلاء لأن

المعلم هو أهم من مليون حاجه فى البلد بيتصرف عليها ومافيش من وراها فايده

طب خد مثال تانى:-

ياسيدى عندك جوزيه بياخد فى الشهر مبلغ وقدرة وبالدولاار (رغم فشله الذريع)

وخسارته لبطولتين فى اقل من اسبوع (رقم قياسي جديد)

وهو لايربى أجيال بل يدرب مجموعة لاعبين يلعبون الكره التى تركل بالجزم

فهل يستوى مربى العقول بمدرب كرة؟!

أوضاع غريبه وبلد بها العجب!!!!

نريد ثوره بجد ثورة تعدل المقلوب وتقلب المعوج

وتصلح الأمور بمنتهى الجديه والحسم…..ونريد أناس مسئولين

لايعتصمون على كل شيء ويحتجون على كل شيء البلد تحتاج الى

أن نكون جميعاً مسئولين وننظر لمصلحة الوطن لامصلحة الفرد

صديقى صديقتى

أعود وأتساأل

هلى مربى العقول يستوى مع مربى العجول؟

أنتظر تفاعلكم.

بقلمى

</I></B></I>





منقول