ممكن كمان اللي يقرأ ما يحطش عنوان و بس
لأ دا ممكن يحط خاتمة للكتاب اللي هيتكلم عن دولة كانت موجودة اسمها مصر
نخش بقى ع الموضوع
يا ناس كفاية بقى
كل ما اكلم حد يقولي نفس الكلام اللي سامعه في برنامج حواري على لسان واحد كان بيبوس رجلين الحكومة القديمة
او مقال قرأته في جريدة مكتوب بقلم شخص كان مستني الكام يوم بتوع الثورة يخلصو عشان يشوف هيهتف لمين
ممكن نتكلم بقل شوية
انا مواطنه بسيطه
مش هاكل ديمقراطية
مش هروح و انام بالليل في سريري و انا في قمة السعادة و الانبساط اني "زي ما بيقولو" """"صوت""""
للي انا عايزاه
لو هنقول ان مش كل حاجة حلوة و مش كل حاجة وحشة
بمعنى تاني الثورة مش وحشة بس مش كلها حلوة
كويس انها شالت حكومة فاسدة
مش كويس انها ما عملتش حاجة تانية
مش كويس انها معطلة الدنيا ""اليابان نهضت من دمارها في 3 ايام و احنا بقالنا شهوووووووووور""
مش كويس انها اعطت فرصة لعينات من البشر انهم يتنفسوا اظن معروفين هما مين و واضح ايه اللي ممكن يحصل للبلد لو الناس دي وصلت للحكم تحت المسمى التافه الــ"ديموكراسي"
مش كويسة انها بعد ما قامت و اسمحولي اقول الكلمة دي
مصر بقت لعبة في ايد شوية اطفال
اللى عملوا الثوره دول اكبر واحد فيهم ما يعديش 25 سنة
ازاي نلعب بأمة و حضارة عمرها ألوف السنين
"طلعت الوقتي و قلت فلان وحش ، بعد خمس دقايق يطلع واحد تاني و يقول فلان حلو و تحاول تتحاور معاه يتمسك برأيه و يقولك ديمقراطية و حرية تعبير و كام كلمة ماسخة حافظهم و بيرددهم"
طب ايه رأيكو في فلم "عاوز حقي" ما تيجو نقسم البلد و كل واحد ياخد نصيبه و ينتخب نفسه رئيس على منطقته
معلش الحماس جرفني حبتين
:
مش كويسة انها ادت فرصة لناس زي اللي قضى قد عمري خمس مرات برة بلده ما حدش شاف قرعته " قصدي وشه " و رجع بعد ما شبع يدورله على حاجة يختم بيها حياته و بيقول " زيادة الخير خيرين و اهو بدل ما انا هقعد في البيت اتسلى شوية بمصير امة "
و لا التاني اللي بيشتغل في شركة تمويلها يهودي مية في المية و عاوز حد يقنعني بغير كدة
ايه اللي فجأة حننه على بلده و لا قال فرصة أركب الوقتي يمكن أقدر بكرة أقعد ع الكرسي
مش كويسة ان تصرفاتنا فيها كانت هوجاء تماما
"انا مخنوق من فلان ، طيب انا الجمعة الجاية هطلع في الميدان"
" انا ليه باخد 300 جنيه ، انا هطلع بمظاهرة و اخيهم يدبرولي زيادة من اي مكان ، مع العلم بإنه البلد دلوقتي اقتصادها زي *الزفت* و كل شوية تخريبات في مكان و حرق في مكان ، من غير ما ينتبه ان كل مسمار في البلد بيتشال من مكانه هوة اللي بيدفه من الـ300 جنيه"
مش كويسة لأنها كانت غير منظمة و كانت بدون هدف و رجاء ما تقولوش بهدف
الموضوع بس هوة اللي كبر و و سع نفسه بنفسه و احنا ما سدقنا و يللا يا "هيصة"
و بعد ما الموضوع خلص كل واحد بص للي جمبه و ابتسم ابتسامة عريضة و قاله "احنا كنا جايين هنا ليه ؟؟!!؟؟ "
قام واحد و قال افتكرت احنا كنا جايين في حملة هيا بنا ندهن الرصيف
الثورة دي كانت بدون هدف بدليل ان احنا صحينا تاني يوم و كأن ولا حاجة حصلت ببرود تام
لو كانت بهدف كنا خططنا ليها صح
النهاردة قمنا شلنا الحكومة و حطينا حكومة متخطط ليها من قبل كدة
مشينا البلد زي الساعة كل حاجة غلط شلناها
ده كله كان هيحصل لو كلنا كنا ماشيين بكلمة واحدة و بس
و حتى ساعتها ما كانش حد هيشوف نقطة دم واحدة
رجاء بس ما تحسسونيش ان احنا اول ناس نعمل ثورة
او انا احنا عملنا حاجة العالم كله يعجز انه يعملها
و لو سمحتوا كل اللي هيدخل يرد يفكر كويس اوى قبل الرد
مش عاوزه يرد وخلاص عايزه نقاش
و لكل اللي ما عجبوش كلامي اتفضل قوم من قدام الكمبيوتر و انزل يللا ابني مصر الجديدة
في ايدك اليمين التعديلات التافهة للقوانين الدستورية"هوة الدستور دا بيتاكل ولا بيتشرب "
و ف ايديك الشمال ساعة مظبوطة ع التوقيت الصيفي أو الشتوي اللي يعجبك المهم النفسية
و اسمحولي على الكلام الكتير و لو انه عادي
احنا شعب الكلام
اقرا وحط العنوان براحتك
رد مع اقتباس
المفضلات