تحـلـيل / آه مـن الفراق " عمرو دياب








آه من الفـراق اللى يتفق الحبايب فيه يبقو صحاب
آه من الفراق اللى بنشوف الحبايب فيـه بـ أصعب عذاب .. أصعـب عـذاب



هنا بيبيين اد ايه الفراق بيكون صعب بين الحبايب لما بيتفقو انهم يكونو اصحاب
مش بيكون صعب بس .. لاء دا بيكون اكتر عذآب بيمـر بيـه اللى بيحـبو بعـض يمكن اصعب
من انهـم بيعـدو عن بعض وخلآص وعـلآقـتهـم تنتهـى ..
وبيتعـرضو لمـواقف كتـير اوى صعـبـه نتيجـه النـوع دة مـن الفــراق ..


ويا عينى ع اللى كان بيحب التانى اكتر
بيهرب من المكان بيبقى عذابه اكبر
وياعينى ع اللقا من غير غيره وعتاب ..
دا مافيش بين الصحاب غيره وعتاب




هـنـا بيـوصـف ان العذاب بيكون صعب اوى على
اللى بيحب التانى اكتر ومش قادر يشوفه غير حبيب
بيحس ان فى كل دقيقه وفى كل ثانيه معاه وحواليه وبيسمع صوته
وبيحس بكل كلمه بيقولها ليه على انه صاحبه بنفس احساسه بيها لما كان حبيبه
بنفس كلامه معاه وبأحساسه بيه .. من غير ما يتكلم بيعرف هو عايز ايه
ومع كل ده .. ولانه وافق على الفراق

بيحاول انه يبعد من مكانه وسايب قلبه معاه .. بيحاول يهرب من عنيه اللى ديما
شايفها او مش شايف غيرها علشان يدارى كل كلمه بتنطق بيها عنيه
وبتقوله احنا حبايب مش اصحاب ..
وبيخبى زعله وحيرته لما بيدارى غيرته عليه وعتابه ليه
لانه مايقدرش يعاتبه لانهم بقو أصحاب
وازاى هيغير عليه وهو بقى بالنسبه له صاحب


وافقته غصب عنى
ووافقنى غصب عنه
مابانش ضعف منى
ومابانش ضعف منه
ومشينا وكل واحد راضى بـ الاتفاق
وبان حزنه كله وضعفه لما فاق



وهنا بيبين ان الفراق جه غصب عن الطرفين
ودى كمان من اصعب المشاكل لما بنحس اننا وصلنا لباب مقفول
مش هنقدر نفتحه غير بمجهود كبيير ولائما نحاول لائما بنرجع
فى رحله تانيه بتاخدنا فى دوامه اسمها النسيان
وياريتنا بنعرف ننسا .. دا احنا ممكن نضيع الباقى من عمرنا عشان ننسا
وبردو فى الاخر بنقول اننا حاولنا وماقدرناش

وده اللى بيحكى عنه .. ان مافيش حد فيهـم قدر يكمل واختارو انهم
يرجعو المشوار على انهم اصحاب .. وانهم وافقو على الاتفاق ده
وان اللى طلب انهم يكونو اصحاب ماحسش بالضعف والحزن والحيره
غير بعد ما خد قراره وفاق بعدها على صدمه كبيره
وهى ان قراره ده هو نفسه مش هيقدر ينفذه


دلوقتى لقانا هادى ال يعنى شوقنا غايب
ويبان كلامنا عادى مع انه كلام حبايب
وان شفته ويا غيرى مطول فى السلام
وشافنى شايفه يعند ويطول فى الكلامـ


هنا بقى بيوصف ان اللى كان بينهم عمره ما هيتنسى ابداا
وبيأكد انهم اتخلقو عشان يكونو أحباب

فى كل حاجة بينهم فى اللقا فى السلام فى الكلام
و كل حاجة جواهم هى اللى بترفض الوضع الغريب عليها ده

وبتبداء الغيره تبان فى كل تصرفاتهم وخصوصاً لما بيبداء كل واحد منهم
يبين للتانى انه خلاص اتأقلمـ على انهم اصحاب وده عكس اللى جواه طبعا

وبيدورو فى حلقه مقفوله بيرجعو ديما عند اللى بدأو عنده اللى هو الباب
اللى هما قفلوه بأديهـم
واخرها معروف ..
ان ده أصعب عذااب ..
و آخـرها كـلمـه واحـده
آآه مـن الفـراق


--------------------------------
ده اول تحـليل ليا لـ اغـنيـه
وحبيت انها تكون لعمرو لانى بحبه وبحب الاغنيه دى اووى
يارب تعجبكـمـ

ايمى







منقول