حلقه 1


مصر 1929 فى بدايات صيفها الحار المشمس فى معظم انحاء البلاد القرى والنجوع والمدن وحتى الواحات الاحتلال الانجليزى الجاثم على صدر مصر موجودا متحكما فى السياسات وارزاق الناس السلطان فؤاد على سلطه مصر والفقر يعم البلاد والطبقه الغنيه من باشوات مصريين وخواجات اجانب يتحكمون فى الاراضى والاعمال والوكالات المختلفه
وكان الفلاحين العاديين البسطاء فقط يستئجرون منهم بالشهر ليعيشوا حياتهم البسيطه والتى كانت مستواها منخفض جدا خاصه فى قرى مصر
التى فيها احداثنا احداث قصه المطرب الذى ولد ليعيش للبلد وارتبط بها وكانت بمثابه والدته
نعم فهو فنان ولكنه لم يكن عاديا لم يكن من الذين ظهروا ثم اندثروا واختفى اثرهم لكنه استمر ونجح وظل على النجاح والنجوميه لفتره حياته
حتى الان مازال له محبين ومستمعين انها قصه نجاح مطرب ووطن فى ان واحد لم تكن فقط سيره ذاتيه لمطرب

تبدا الاحداث هنا فى يوم ميلاد عبد الحليم حافظ فى 21 يونيو 1929 فى قريه الحلوات بالشرقيه
وقت ان كانت اسرته الفقيره المكونه من الاب على شبانه والام زينب والاخوات
اسماعيل وعليه ومحمد
تنتظر على احر من الجمر ولادة الام لطفلها الرابع والذى طالت مدة ولادته ودوّت صراخاتها ارجاء المنزل

غرفة الام ومعها سيدات عديدات يساعدنها فى الولاده

الدايه : يالا يا اختى ساعدينى خلى راس الواد تظهر
زينب ام حليم : مش قادره مش قادره
اخت زينب : شدى حيلك بقه يا زينب
زينب : هاموت يا اختى مش قادره
اختها : الف بعد الشر عليكى كده ربنا يخليكى لعيالك وجوزك يا زينب
زينب : انا المره دى تعبانه بجد ااااااااه حاسه مش هشوفه



وفى خارج المنزل انتظر على شبانه الباشا صاحب الارض التى يعمل بها ويحاول الغفير ان يجعله يذهب لمنزله بحجة تاخر الباشا وكان على شبانه ينتظر الباشا الذى استأجر منه الارض حتى يدعه يسمح له باستمرار الايجار له لفتره اخرى

الغفير : هتفضل قاعد هنا للصبح بقه
على : ان شاء الله للفجر وانا هاعد استناه
الغفير :خلاص اهوه جه قوم يا راجل متستناهوش وانت قاعد قوم
على : سلاموا عليكوا يا باشا
الباشا :وعليكم السلام انت مين
انا على شبانه يا باشا اللى مأجر من سعتك بحرى فى حلوات
الباشا " ااااااااه انت اللى مبتدفعش
على "" يا باشا م.انت شايف وقفة الحال اللى احنا فيه والغله مطرحتش زى كل سنه لو تدينى مهله
الباشا : كلام فى كلام انتوا موراكوش غير الكلام انما فلوس لا دى دايره ليها قواعد وقوانين
على :وعيالى يا كلوا منين بقه ؟
الباشا : مش شغلى ادامك 3شهور يا تدفع يا تسيب الارض دى مشكلتك انت
على شبانه :يا بااشا يا باشا
الباشا : ده اخر كلام عندى
,ذهب على شبانه لمنزله حزينا ولا يعرف اخبار زوجته حتى الان



(منزل متولى الخال اخو زينب ام حليم)

زوجته : يالا يا سى متولى ناكل
متولى :لالا انا مستعجل لازم اروح اشوف اختى عملت ايه ؟؟
زوجته : ومستعجيل ليه كده ؟؟ انت ممكن تاكل الاول
متولى : لا مينفعش لازم اروح لان على مش هناك راح للباشا
زوجته : دلوقتى تقوم بالسلامه هي يعنى بكريه.,
متولى : ده بدل ما تيجى معايا احسن عمتا انا رايح سلاموا عليكوا


( المنزل)

الدايه وزميلتها : هو مال العيل منشف معاها المره دى كده ليه استر ياللى بتستر
متولى يحدّث الدايه : ايه الحكايه ؟؟
الدايه :خير ان شاء الله بس فك كيسك وحضّر الحلاوه
متولى : يا ستى الخير كله ليكى بس تقوم هى بالسلامه انا بقول نوديها اسبتاليه احسن انا سامعها بتتوجع اهيه
الدايه : هما المحاريس دول كانوا اتولدوا فى اسبتاليه
متولى : بس لا شكلها تعبانه اوى
الدايه : ده دلع صبايا اسألنى انا
تخرج سيده من الغرفه الحقى يا امينه تعالى وتسحبها للغرفه
متولى ينظر للاولاد : ايه يا عليه تعالى مالك ؟؟
عليه : خايفه على امى يا خالى وتبكى
يقول متولى لاسماعيل : يالا خد اخواتك واقفوا بره البيت

تخرج الدايه قائله : بره فين يا سى متولى ؟؟ احنا الفجر



ويصل على شبانه وهو محبط ويسأل متولى ايه اخبار زينب يا متولى ؟؟
اسماعيل يسأل كنت فين يا ابا ؟؟

محمد يكمل الكلام امى تعبانه اوى يا ابا

متولى يرد : زينب تعبانه ولازم نوديها للحكيم

على : هى حصلت حكيم ؟

متولى : ما هى بتولد من المغرب
على : انا خايف نوديها الزقازيق تولد فى السكه
والحل ايه ؟؟
متولى : طب انت مش هتدن الفجر
على : صحيح غفرانك يارب
متولى : يالا نتوضى ونصلى يكون النهار طلع وربنا يفرجها من عند و قام الرجال للصلاه



ولد الطفل بعد وقت طويل جدا اخيرا جاء الولد المنتظر عبد الحليم
الف حمد لله عالسلامه يا زينب
تقول بصعوبه لاختها : ولد ولا بنت ؟
ترد الدايه : ايد امنه متجبش غير ولاد قال اسبتاليه قال طب لما اشوفك يا سى متولى
يالا يا اختى انتى وهيا كل واحده تروح على دارها خلوها تنام وترتاح
وتذهب عليه هنا لترى اخيها الصغير وتقبله لاول مره

_دخل الاولاد لغرفه امهم _
اما اما قال اسماعيل ومحمد
ردت عليهم بصعوبه : تعالوا يا ولاد


"خير الاسماء ماحمّد وما عبّد يا استاذ على"
قالها له الشيخ محمد البهتيمى صديق على شبانه
واردف قائلا اسم عبد الحليم اسم جميل بارك الله لك فيه

على : الله يبارك فيك يا شيخ محمد
متولى : الموغات فين يا جماعه ؟؟
يرد اسماعيل : جاهز يا خال
عليه : ابا امى عوزاك

يذهب لرؤية زوجته : ايه يا زينب ما تجدعنى بقه وتقومى كده
تقوله له : عبد الحليم اخباره ايه ؟؟
وبقية الولاد
على :شدى انتى حيلك بس وهتلاقى كل حاجه عال
زينب :قولى مين بيرضع عبد الحليم ؟
على : متشغليش بالك انتى اللى بيرضعوه كتير بس مش هيبقوا فى حنيتك يا زينب
قومى عالسبوع بس كده وخلى الواد يرضع من امه
زينب : حاضر ادعيلى يا شيخ على



( السبوع )
واثناء الاحتفال ورقص الاطفال والسيدات ودق الهون ورش الملح "الطقوس المصريه للسبوع"
تدخل احدى السيدات لتوقظ الام لتحضر السبوع معهم
والحق ان السيده ظلت مريضه جدا طول 6 من ايام الولاده ولم تغادر الفراش
زينب قومى اعدى بره شويا مع الناس عشان ارقيكى
زينب زينب زينب
وتصرخ السيده فقد ماتت زينب ام الطفل الحزين الذى لم يراها
وباتت حياته منذ اللحظه كئيبه وحزينه






منقول