ابو العريف

[فريد]

انا ابو العريف

بفهم فى السياسة و بفهم فى الرياضة و بفهم فى السباكة و بفهم فى النقاشة
و بفهم فى القطن و الشاشة

و حتى التكييف

معروف عنى فى كل مكان انى
محدش يستغنى عنى

مزاجى حامى و فكرى سامى و عقلى نامى

و بعوم مع التيار و محبش الهزار

و بتلون بكل الوان الطيف

فى لجنة السياسات انا موجود

بعد ماتغرق العبارة تلاقينى بره الحدود

فى كل المظاهرات احشد الجنود

و استورد بذور مسرطنة و بمنتهى البرود

و لو الدنيا قامت اعمل فيها كفيف

فى مجلس الشعب انا فتحى سرور

فى مجلس الشورى انا صفوت الشريف

فى وزارة البترول انا سامح فهمى

فى وزارة السياحة انا زهير جرانة

فى كل المشروعات عامل اشتراك باسم علاء مبارك

وفى كل الاماكن انا دايما اسمى موجود جمال مبارك

و على راس الوزارة انا معلش استحملونى احمد نظيف

مانا ياخونا ابو العريف

و احيانا بكون لطيف

لكنى دايما انا الاشكيف

يالطيف ياخفيف

ياشريف يانظيف

حد عرف انا مين

انا ابو العريف

[خلود]

ههههههههههههههههههه

حلوه اوى اوى ياابو العريف

اتاريك معانا وحوالينا وعامل زى الملح فى كل الاصناف لازم تلاقيه

رائعه من روائع شاعرنا الجميل فريد

[مصطفى مامون]

دايما ما بتجبلنا الجديد الللى بنستناه زى يوم العيد ودايما ليك طله فى منتهى الروعه كلامك بسيط ورأيك سديد
وانا عن نفسى بعشق كل اللى بتكتبه يافريد

[فريد]

ههههههههههههههههههه

حلوه اوى اوى ياابو العريف

اتاريك معانا وحوالينا وعامل زى الملح فى كل الاصناف لازم تلاقيه

رائعه من روائع شاعرنا الجميل فريد

هههههههههههههه
انا ملح انا
دنا سكر مسكر سكرى يسكر من غير سكر
عرفتى انا مين
هههههههههه
اشكرك ياخلود
و دايما ردك يسعدنى
فهو كالقوة الدافعة
التى تجعلنا نكتب لنستمتع بردك

[فريد]

دايما ما بتجبلنا الجديد الللى بنستناه زى يوم العيد ودايما ليك طله فى منتهى الروعه كلامك بسيط ورأيك سديد
وانا عن نفسى بعشق كل اللى بتكتبه يافريد

هههههههههههههه
الله يبارك فيك يادرش
حتى ردك عبقرى زيك
و دائما انت كاتب الاحساس
فانت نكتب و نحن نقف باهتمام لنستمتع
بروائعك