السلام عليكم ورحمه الله وبركاته
كل سنه وانتوا طيبين


طبعا زى ما احنا عارفين , ان القطر بيجرى , والشاطر هو الى بيعرف يلحقه , مش كده ؟
ولو ملحقتش القطر يبقى " اوووبس" انت ضعت خلاااااص , نظريه القطر دى بقى والى
انا قاعده ارغى فيها كده , دى بتتطبق على البنات الى لسه متجوزوش لحد دلوقتى وعدوا
السن خلاااااص بقى , كأن بالظبط صلاحيتهم انتهت )




ف ايامنا دى , ارتفعت نسبه العزوبيه عند البنات , وليس العنوسه , اصل العنوسه كلمه سخيفه اوى
واحنا اتعودنا نقولها حتى لو على سبيل الضحك , بس منعرفش اد ايه بضايقهم
وبيحسوا انها اساءه
ده غير الاساءه الى بيتعرضولها اصلا , سواء من اهلهم او اصدقائهم او المجتمع ذات نفسه
ونسمع الكلام السخيف
( ايه يا حبيبتى لسه برده ما تشدى حيلك بقى )
" تعمل ايه يعنى "

(ربنا يكرمك يا بنتى لحسن ده انتى خلااص بتلعبى ف الوقت الضايع)
" اكيد متعرفش ان ف اوفر تايم"
والى والى والى


دلوقتى انا عايز اعرف حاجه الناس دى مش عارفه ان كل حاجه ف الدنيا دى
قسمه ونصيب , وانها لو شدت حيلها ولا عملت ايه , عمر ما هيحصل حاجه الا الى ربنا كاتبه لها


( الموضوع ده بالذات حبيت اناقش فيه , لان كميه المواضيع الى بقرأها عن الموضوع ده
كتييير جدا , ومؤثره جداااا , وف بنات كتييير اعرفها علشان لسه متخطبوش حتى , نفسيتهم مدمره)


ليه المجتمع بيبص كده للبنت الى اتأخر جوازها ؟

لو انتى مثلا اتأخر جوازك هتعيشى حياتك عادى , ولا هتتأثرى بالموضوع ده؟

لو انت عندك 30 سنه مثلا , وقررت انك تتجوز , ممكن تتجوز واحده ف نفس السن ولا هتدور على واحده اصغر؟








منقول