في مصر في رسائل للموبايل مشهورة جدا
و كل رسالة بتعكس شخصية الراسل لها
مثلاً
صاحبك البخيل و عاوز يكملك بس خايف ينجرح في ثمن المكالمة يبعتلك رسالة
(( كلمني شكراً ))

أما بقا الصاحب اللي مقضيها شحاتة و سلف وتلاقيه شحات حتي الموبايل بتاعة
يبعتلك رسالة
(( أشحنلي شكرا ))
قال يعني أنا لاقي أشحن لنفسي علشان أشحنلة هو


أما عم الرايق و المطنش علي طول و يكون عارف أنك عاوزة في موضوع مهم يقوم يقفل التليفون بتاعة و بدل ما تكلمة تسمع الرسالة الصوتية من المزة ألالي
(( الهاتف الذي طلبته غير متاح حالياً و ربما يكون مغلقاً ))


~~~~~~~~~~
لكن الراسايل دي كانت أيام النظام القديم لكن دلوقتي مصر في مرحلة تغير و مش عارفين الحكم القادم هيكون من طرف مين
و علشان كدة أجتمعت شركات المحمول التلاتة الموجودة في مصر و أتفقوا علي تغير الرسايل دي علي حسب الحكم الجديد
يعني لو كان الحكم هيكون من ألاخوان المسلمين أو السلفين هتكون الرسايل كدة
(( كلمني بارك الله فيك ))
(( أشحنلي جزاك الله خيراً ))
أما مكان المزة ألالي هيكون شيخ و يقول
(( بسم الله الرحمن الرحيم الهاتف الذي طلبتة غير متاح و ربما يكون مغلقاً و الله أعلم ))



لكن لوألاقباط هما اللي مسكو الحكم هتكون الرسايل كدة
(( كلمني نشكر الرب ))
(( أشحنلي الله محبة ))
(( الهاتف المطلوب صدقني مغلق ))



لكن المشكلة لو حد من البلطجية هو اللي وصل للحكم
فهتكون الرسايل
(( كلمني و حياة أمك ))
(( أشحنلي أحسن أغزك ))
(( المخروب اللي بتتصل بة مقفول يلا غور في داهية ))








منقول