بسم الله الرحمن الرحيم

انهرده عايز نتكلم فى موضوع فقع مرارتى انا شخصيا

وهو الجواز يا اخى واحد ووحده يحبو بعض يعجبو ببعض ما علينا منهم اصلا

انما لو حبو يتجوزو خد عندك الى بيطلب من العريس ومثلا عندنا فى اسيوط

اولا شقه ومفيش شقه تقل عن 100 الف دا لو ضربها السلك مع العلم ان محدش بيرضا بالاجار لزم تمليك ان لم يكن بيت لوحده

ثانيا تشطيبات وفرش ما لا يقل عن 50 الف تانى

ثالثا مهر لا يقل عن 30 الف جنيه لا ورابطين المهر بالدهب يغلى الدهب يغالى المهر

رابعا فرح وده بقى مصيبه عندنا المااده الى هيه البوفيه يعنى دا اقل واجب جموسه ب 15 الف دا الحم بس والباقى قول 10 تانى هههههه والله الواحد كل ميروح فرح يضحك على العريس لما يقع فى الارض تحس انه عقبال موصل للكوشه جاتله المراره والسكر واحتمال يحضر الدخله ويموت

لا ولا العروسه جهازها على بعضه 70 الف ابوها عقبال ميخلصه دا لو خلص يكون يا طلع فوق يا فى السجن من الديون

والله الموضوع بقى زى النيله خالص طيب واحد زيي انا لو اتجنن وحب يدخل فى موضوع زى ده

مع العلم ان يوميتى 35 جنيه فى اليوم لا ويوم فيه ويوم لا انا حسبتها بالضبط قدامى 20 سنه دا لو قعد الوضع مزدش عن كده يعنى الواحد لو دخل على السبعين يبقى كويس بس ياترا هيبقى الواحد فيه صحه يشيل العروسه ولا يدحرجها افضل؟



مين فينا مش عاوز احسن حاجه ليه ولشريكة حياته لاكن على قد لحافك مد رجليك

فى النهايه بلا جواز بلا نيلا احنا نصوم اتنين وخميس احسن

والى مش هيتجوز فى الدنيا هيتجوز فى الاخره بس يعمل طيب

ايه رايكم انتو فى الموضوع ده؟

هل ترضا لو بنتك او ابنك باقل من كده ؟

هل حد فينا يقدر يجيب كل ده؟

شايفين ايه الحل؟






منقول