شكرك ...يا أميره

[وردة الايمان]

اشكرك يا أميره انك خرجتينى من المسابقه ...

وانا مش زعلانه ابدا ......

واشكرك انك قلتى عليا مبدعه ..

بصراحه فيه ناس كتير احق منى باللقب ده ...

وكان هيبقى صعب انى اشترك بأى عمل فى وجود استاذ جمال ..

لأنه هو الوحيد اللى يستحق اى جايزه او امتياز ..

اشكرك ....فعلا من قلبى ..

واتمنى للجميع كل توفيق ..

[اميرة حبى انا]

وردة
اكيد انتى مبدعة مش محتاجة انى اقول والكل عارف
ومعلش بالنسبالى لو مكنتيش زعلانة مش هتعملى الموضوع ده لان ناس كتير خرجو من المسابقة ومعملوش كده
احب افكرك بالمطلوب وشروط المسابقة
1- قصة من ابداعهم الخاص
2- شعر فى حب مصر (رغم اللى احنا فيه بس هى ملهاش ذنب)
3- شعر يعبر عن الحب والرومانسية والسعادة بالحب
4- شعر فى حب منتدانا الجميل ده
شروط المسابقة
1- طبعا مافيش منقول لانها للمبدعين
2- واكيد مش هيكون فى تكرار
3- شرط الاشتراك الاربعة مع بعض

1-مع كل حبى واحترامى لحبيبى رسول الله
القصيدة كان المقصود بيها الحب التانى
2- طلبت مافيش تكرار ومع ذلك قصيدة وردة الحب موجودة
هنا
http://www.vb.6ocity.net/showthread.php?t=8291
وقصيدة يا محمد يانبى الله موجودة
هنا
http://www.vb.6ocity.net/showthread.php?t=8551
لما بنعمل مسابقة الاشتراك فيها بيكون كل موضوعاته جديدة وغير مكررة
ارجو انى اكون وضحتلك انك خرجتى من المسابقة عشان الشروط
مش عشان فى غيرك يستحق الفوز او لأ
وكمان ارجو انك تكونى فعلا مش زعلانة
انا مش عاملة المسابقة عشان حد يزعل

مع احترامى للجميع

[fagrmasr01]

وردة الايمان

انتى فعلا مبدعة وابداعك جميل
وانتى من اجمل الشعراء اللى انا معجب جدا بابداعاتك
وياما كتبت لك تحليل لاشعارك واوضحت فيه مدى اعجابى واسباب اعجابى .. لانك فعلا شاعرة متمكنة فى استخدام التشبيهات والتوصيف والاستعارات المكنية ووزن بحور الشعر وبناء جرس موسيقى جميل مع تكامل حقيقى لكل فكرة بتطرحيها فى اشعارك الجميلة

وجودى واشتراكى فى المسابقى كان رمزيا وكنت كمان كاتب فى توقيعى نداء الى الجميع ان الكل يشارك
لان مشاركتكم اهم عندى من الفوز بالوسام
لانى باحبكم فى الله حب خالص لوجه الله واتمنى ان متكونش مشاركاتى تحجب او تمنع مشاركاتك او مشاركات كل أحبابى المبدعين .. لانى والله العظيم بافرح جدا بكل مشاركة جديدة
لدرجة انى باحب كمان اقرأ كل الردود على كل المواضيع فى الابداعات لانى باحس ان حتى ردودكم هى نوع جميل من الابداع التلقائى .. وبيسعدنى جدا كل ردودكم والله ياوردة ..
اتمنى بجد ومن قلبى ان ميكونش وردة زعلانة ولا اى واحد من اللى اشتركوا زعلان

وللعلم انا رأيى الصريح .. هو ان كل مشاركة دخلت فى المسابقة والله تستحق وسام لوحدها ... لان كل مشاركة هى ابداع .. وفخور جدا بكل مشاركة اتكتبت

وردة الايمان...
لو زعلانة انا هاكون زعلان جدا
واتمنى فعلا ميكونش فيه اى زعل
يارب الاقى رد يطمننى انك فعلا مش زعلتى
أتمنى

[وردة الايمان]

مش ممكن طبعا ازعل منك ابدا يا أميره ...

المنتدى ده مش ممكن حد يزعل فيه من التانى ..

لأن كلنا اخوات بجد يعنى مش مجرد كلام ...

وبحبك يا أميره مهما عملتى ...

[وردة الايمان]

وردة الايمان...
لو زعلانة انا هاكون زعلان جدا
واتمنى فعلا ميكونش فيه اى زعل
يارب الاقى رد يطمننى انك فعلا مش زعلتى
أتمنى

مافيش زعل ابدا يا استاذ جمال ...

المسابقه كانت جميله جدا والمنافسه كانت اجمل ..

وبصراحه يا استاذ جمال

انت تستحق وسام كمان اسمه

القلب الكبير ..

اشكرك جدا ...