معقولة ياأميرة - حاجة تستفزك في الشارع

[saadrabea]

قلبتي عليا المواجع دا انا مش راجع

شوفتو المس كاتبه إيه أكتر حاجة تستفزك في الشارع
رديت وقولت دا أنا مش راجع
طب قولي إيه اللي مش بيستفزك في الشارع
جمال الطلعه البهية للقفلين الشوارع
قال رايحين يفتحو مصنع في شارع
والباشا تحت الشمسية في ذات نفس الشارع
بينظم المرور - اللي بيدفع يعدي واللي مشعجبة يبات بقى في الشارع
والشارع اللي شرع القوانين مشفش ولاد الشوارع
شاف البهوات ومش شايف إن في ناس تانية جنب بتاع الكوارع
اما الباشا الوزير مركز فوق الكرسي أن عمرة ما يبقى في الشارع
أميرة نسيتيني أسأل أنت تقصدي أنهو شارع
الشارع اللي شرع القوانين ولا الشارع اللي جنب بتاع الكوارع

ياستي بقى مش المهم المهم أني مش راجع لا لبتاع القوانين ولا الجنب بتاع الكوارع

[ام انس]

ليه كدا بس ا. سعد
انت المفروض تكون مصر وحشتك , لانك فى غربة

هههههههههههههه


ايه يا اميرة ده .. موضوع خرج هموم الجميع

انا مش هتكلم عن مساوئ ..لاننا كلنا عرفينها وحـِّسين بيها

هتكلم عن محاسنها

ولان الرسول صلى الله عليه وسلم قال " تفاءلوا بالخير تجدوه ".

اللى بيعجبنى فى مصر

شهامة ابن البلد , ولد رغم عدم التزامه الدينى لكن مش يقبل على بنت حتته ان حد يقرب لها .

الشعب المصرى بالفطرة متدين .., الوازع الدينى اللى موجود عند كل المصريين , سواء ملتزم او لا .. .



المية الموجوده فى البيوت للشرب والاكل ,المصريين فى الخارج بيشتروا المية بمبالغ كبيرة وكتير منهم بيصابوا بامراض الكلى والكبد

اللهم عافينا

نسمة الهواء ساعة العصرية فى يوم الصيف .. دول كتيرة تلاقي الرطوبة عاليه او الجفاف عالى

شمس بلدنا حلوة اووووى فى بلاد مش تشوف شمس .

الامان .. ممكن نخرج فى اى وقت من غير محارمنا . عكس بلاد كتير,غير امنه فى بيتها

شعب بيرضى بالقليل , ويحمد الله على الكثير.

يااااااااااااااااه


بجد بجد بحبك يا بلدى , بحبك يا مصر

[اميرة حبى انا]

انا مكنتش اعرف ان الموضوع صعب اوى كده
وهيتقال فيه كل الكلام ده
ويخليك مترجعش

[وردة الايمان]

بصراحه كلامك جميل جدا يا سعد ..

وعجبتنى روح التفائل الموجوده عند أم أنس ..

وكلامكم انتم الأتنين صح .

كلام سعد واقعى جدا وبيحصل فعلا واحنا طبعا زى عادتنا بنحاول ما نشفش اى حاجه وعاملين زى النعامه اللى بتحط راسها فى الرمل .

ومع ذلك ان مع ام انس اننا نركز على الأيجابيات اللى موجوده ...

بالتأكيد هى كتير ...

ممكن تكون فى الشارع زى مثلا شهامة المصريين لما يحصل لحد مشكله فى الشارع ..

وممكن تكون فى اى مكان تانى ..

المهم مجتمعنا فيه حاجات كتيره جميله واتمنى انها تغطى على اى سلبيه موجوده .

موضوعك جميل يا سعد ........تسلم ايدك .